Միայն այս տարվա հունիսին Մուրացան համալսարանական բուժհաստատություն է դիմել շան հարձակման հետևանքով տուժած 32 երեխա

Ամիսներ շարունակ բարձրաձայնում եմ թափառող կենդանիների հարձակումների դեպքերի և դրա հետևանքների մասին՝ պատկան մարմիններին ուղղելով դիմումներ։ Բազմիցս նշեմ եմ, որ անհրաժեշտ է ձեռնարկել հրատապ միջոցներ, քանի որ գործ ունենք մարդկային կյանքերի հետ։ Այս մասին Facebook-ի իր էջում գրել է ՀՀ ԱԺ «հայաստան» խմբակցության պատգամավոր Գառնիկ Դանիելյանը:

Նա նաեւ նշել է. «Ամիսներ առաջ Երևանի քաղաքապետարանին խնդրի կապակցությամբ ուղարկել էի հարցում, որտեղ նշել էի նաև իմ առաջարկները։

Հարցմանս ստացել էի այսպիսի պատասխան․

«Թափառող կենդանիների վնասազերծման կենտրոն» ՀՈԱԿ-ը 2023 թվականին նախաձեռնում է մի շարք փոփոխություններ` մայրաքաղաքում թափառող կենդանիների խնդիրը կանոնակարգելու համար:

Գրության մեջ նշված էր նաև, որ առաջիկայում մայրաքաղաքում կստեղծվեն թափառող շների համար նախատեսված կացարաններ։

Անցել են ամիսներ, սակայն շարունակում ենք լսել թափառող կենդանիների հարձակման դեպքերի մասին։

Միայն այս տարվա հունիս ամսին Մուրացան համալսարանական բուժհաստատություն են դիմել 32 երեխա։  Օրեր առաջ լսեցինք Սպիտակում շան հարձակման արդյունքում ծայրահեղ ծանր իրավիճակում հայտնված երեխայի մասին։

Իմ հայրենի Իջևանից և ՀՀ այլ համայնքներից ևս քաղաքացիները գրեթե ամեն օր ահազանգում են կատաղած շների առկայության և դեպքերի մասին։

Պատկան մարմիններին հերթական անգամ կոչ եմ անում խնդրին վերաբերվել ամենայն պատասխանատվությամբ։

Անցել են ամիսներ, ի՞նչ եղան ձեր ձեռնարկած միջոցառումները, որտե՞ղ են կացարանները։

Քանի՞ երեխա պետք է հայտնվի բժշկական հաստատությունում, որպեսզի սկսեք քայլեր ձեռնարկել այս ուղղությամբ»։

Այս թեմայով Ռուսաստանը պատրաստվում է հարձակման. Զելենսկի Մարտին Արարատում ծնվել է 120 երեխա՝ 56 տղա, 64 աղջիկ Մի մոռացեք՝ Հայ եկեղեցուն թուլացնելը տենչում է միայն մեր թշնամին․ Դանիելյան Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ) ԱՄՆ-ում տորնադոյի հետևանքով՝ հինգ մարդ է զոհվել (տեսանյութ) Մեքսիկայում ավտոբուսի շրջվելու հետևանքով նախնական տվյալներով 14 մարդ է զոհվել Ստամբուլում կինը դատապարտվել է 1794 տարվա ազատազրկման Ռուս կանայք դիմել են ոստիկանություն և հայտնել, որ «Հաղթանակ» այգու տնօրենը ձեռքով հարվածել և թքել է իրենցից մեկի դեմքին Մարդը տանում է մեքենան տեխզննման, ստիպում են ընթացիկ տարվա գույքահարկ վճարել. Թունյան (տեսանյութ) Այսօր մենք պետք է անենք ավելին, քան պարզապես անցյալի կոտորածները սգալն է․ Նուբար Աֆեյանը դիմել է համաշխարհային հանրությանը