Թագուհի Թովմասյանի հայցադիմումը վարչական դատարան մերժվել է

Վարչական դատարանի դատավոր Անի Չիլինգարյանը վարույթ չի ընդունել ԱԺ պատգամավոր Թագուհի Թովմասյանի  հայցադիմումը։ Տեղեկանում են դատալեքս տեղեկատվական համակարգից:

Պատգամավորը պահանջում էր վերականգնել  Մարդու իրավունքների պաշտպանության հանձնաժողովի նախագահի պաշտոնում   իր լիազորությունները։  

Դատարանը եզրահանգել է, որ Ազգային ժողովի մշտական հանձնաժողովի նախագահի պաշտոնը ներառված չէ ո՛չ հանրային ծառայության պաշտոններում, ո՛չ հանրային պաշտոններում, ինչը նշանակում է, որ այն դուրս է «Հանրային ծառայության մասին» ՀՀ օրենքի կարգավորման տիրույթից, այն ընտրովի պաշտոն է։

 Ըստ պարզաբանման՝  Ազգային ժողովի և Թագուհի Թովմասյանի՝ որպես Մարդու իրավունքների պաշտպանության և հանրային հարցերի մշտական հանձնաժողովի նախագահի միջև հարաբերությունները ծագել են ոչ թե գործատուի և աշխատողի միջև փոխադարձ համաձայնության արդյունքում աշխատանքային պայմանագրի կամ անհատական իրավական ակտի ընդունման հիման վրա, այլ Թագուհի Թովմասյանի՝ պատգամավորի կարգավիճակից ածանցվող մեկ այլ՝ հանրային պաշտոն չհանդիսացող մշտական հանձնաժողովի նախագահի պաշտոնում խմբակցության կողմից առաջադրվելու և Ազգային ժողովի կողմից ընտրվելու արդյունքում։

   Իր որոշման մեջ դատարանը նաեւ նշել է, որ նման վեճերը ընդդատյա չեն ոչ  միայն ՀՀ վարչական, այլ նաեւ առաջին ատյանի ընդհանուր իրավասության դատարանին, քանի որ բացակայում են աշխատանքային հարաբերությունները։

Հիշեցնենք, որ հուլիսի 11-ին  62 կողմ և 1 դեմ ձայների հարաբերակցությամբ, փակ-գաղտնի քվեարկությամբ, իշխող «Քաղաքացիական պայմանագիր» խմբակցությունը զրկեց ընդդիմադիր պատգամավոր Թագուհի Թովմասյանին խորհրդարանի Մարդու իրավունքների պաշտպանության հանձնաժողովի նախագահի պաշտոնից։

Այս թեմայով Վարորդական վկայականների իրացման հանցավոր շղթա է բացահայտվել․ գործն ուղարկվել է դատարան «Ժողովուրդ». Ջալալ Հարությունյանի գործով բոլոր կողմերը միջնորդություն են ներկայացրել դատարան Միքայել Մինասյանի վերաբերյալ մեղադրական եզրակացությունը ուղարկվել է դատարան՝ հեռակա դատաքննության Երևանում երիտասարդը մորից գումար է պահանջել, մերժումից հետո հարձակվել է մոր վրա, խլել պայուսակն ու հափշտակել մեծ գումար Իրադրությունը լարվեց․ «Քաղաքական մուրացկան», «Կոյուղաջրերի թագուհի», «Անջատեք լայվն ու միկրոֆոնը» ԵՊՀ-ում տեղի ունեցած հրդեհից տուժածները վարչական աշխատակիցներ են ՀՀ քննչական կոմիտեի զինվորական քննչական գլխավոր վարչության 6-րդ կայազորային քննչական բաժինը հիմնանորոգված վարչական շենք ունի Վթարի է ենթարկվել Նոր Նորք վարչական շրջանի ղեկավարը Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան Հայաստանն ընդդեմ Ադրբեջանի գործով ԱՄԴ-ն որոշում կկայացնի նոյեմբերի 17-ին