Ուր են և ինչու են լռում Հայաստանի խոշոր գործարարներն ու պաշտոնյաները. Հարություն Սարգսյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք Վայոց Ձորի նախկին մարզպետ Հարություն Սարգսյանին, ով դասվում էր ՀՀ ամենահարուստ մարզպետների շարքին:  1996-ին աշխատանքի է անցել Վայքի հարկային տեսչությունում` զբաղեցնելով պետի պաշտոնը: Իհարկե, նա այս պաշտոնը ստացել է իր մտերիմ ընկերոջ` Արամ Սարգսյանի աջակցությամբ, ով միջնորդել էր եղբորը` Վազգեն Սարգսյանին: 2000-2001-ին էլ եղել է Վայոց Ձորի հարկային տեսչության պետի տեղակալ: Մշտապես ձգտելով եկամտաբեր պաշտոնների` 2001-2005թթ. աշխատել է ՀՀ սոցիալական ապահովության պետական հիմնադրամի Վայոց Ձորի մարզային վարչության պետ: Թե ինչն էր պատճառը, որ 2005-ին Հարություն Սարգսյանին «իջեցրին» ու նշանակեցին ՀՀ սոցիալական ապահովագրության Եղեգնաձորի տարածքային կենտրոնի տնօրեն, չգիտենք: Բայց գիտենք, որ 2008-ի հունվարին  նա անսպասելի թռիչք կատարեց Վայոց Ձորի մարզպետի տեղակալի պաշտոնին, որը, սակայն, երկար չվայելեց ու նույն թվականի հոկտեմբերին դարձավ քաղաքապետ: Այնուհետև կարիերայի թռիչք արձանագրեց՝ դառնալով Վայոց Ձորի մարզպետ: Ըստ մամուլի տեղեկությունների` նրան էր պատկանում Զառիթափ գյուղում գործող «Փշոնք» ֆիրման, որը զբաղվում է թանի, մասուրի հյութի եւ սառը սուրճի արտադրությամբ:

2015-ին Ռազմական բժիշկների ասոցիացիայի ներկայացուցիչների հետ հանդիպման ժամանակ Վայոց Ձորի մարզպետ Հարություն Սարգսյանը պատրաստակամություն էր հայտնել իր հնարավորությունների սահմաններում օգնել անհետ կորածների հարազատներին։ «Շատ դժվար է նորից ու նորից վերապրել հարազատի կորուստը։ Մենք պատրաստ ենք օգնել ինչով որ կարող ենք»,- վստահեցրել էր մարզպետը։

2017-ին Սարգսյանը մեծ պաթոսով շնորհավորում էր Արցախի Հանրապետության անկախության տոնը: Նա գրում էր, որ Արցախի Հանրապետությունն ընթանում է միջազգային սկզբունքներին ու ժողովրդավարական նորմերին, ինչպես նաև համամարդկային ու ազգային արժեքներին համահունչ և իր գործունեությամբ առավելագույնս մոտեցել է միջազգային սուբյեկտերի և բարի կամք դրսևորող պետությունների կողմից ճանաչում գտնելու պահին: Սարգսյանը վստահ էր, որ մոտ է Արցախի Հանրապետության ճանաչման գործընթացի սկիզբը:

Այսօր, երբ Սարգսյանի կողմից տարիներ շարունակ ղեկավարած մարզը դարձել է սահմանամերձ և թշնամին չի էլ թաքցնում իր հավակնություններն այդ մարզի նկատմամբ, երբ Արցախի գոյությունը դրված է հարցականի տակ, երբեմնի մեծահարուստ պաշտոնյան ոչ խոսքով, ոչ էլ գործով չի ցանկանում աջակցել իր հայրենակիցներին....

Շարունակելի...

Այս թեմայով ՀՀ քրեական օրենսգրքում հստակ կսահմանվի կիբեռհանցագործությունների ցանկը․ Արփինե Սարգսյան Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան Սերժ Սարգսյանը մասնակցում է Ցեղասպանության զոհերի հիշատակը հավերժացնող ջահերով երթին Ոչ ոք չի կարող Հայոց ցեղասպանությունը կասկածի տակ առնել․ Սերժ Սարգսյան Ես իրատեսական եմ համարում Նիկոլ Փաշինյանի հեռացումը. Սերժ Սարգսյան (տեսանյութ) Վլադիմիր Կազիմիրովի մեծագույն ցանկությունն էր խաղաղության մեջ տեսնել Լեռնային Ղարաբաղը․ Սերժ Սարգսյան Ոսկեպարի բնակիչները հայտարարել են, որ Փաշինյանն իրենց այլ բան էր խոստացել․ Ոսկան Սարգսյան Հայաստանի ու Սաուդյան Արաբիայի միջև 30 տարվա դադարից հետո հաստատվեցին դիվանագիտական կապեր․ Սարգսյան Հարություն Միքայելյանը` ՀՀ քննչական կոմիտեի զինվորական քննչական գլխավոր վարչության չորրորդ կայազորային քննչական բաժնի պետ Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել