«Արմավիր» ՔԿՀ-ում սննդի միջից կպչուն ժապավենով փաթեթ են գտել, որում եղել է ափիոնի նմանվող զանգված

Հոկտեմբերի 18-ին Հայաստանի Հանրապետության արդարադատության նախարարության «Արմավիր» քրեակատարողական հիմնարկում տարբեր ստորաբաժանումների կողմից կանխվել է թմրամիջոցների և արգելված իրերի փոխանցման երկու դեպք:

Ժամը 12:15-ի սահմաններում «Արմավիր» քրեակատարողական հիմնարկի օպերատիվ բաժնի ծառայողները, իրացնելով նույն բաժնում նախապես ստացված օպերատիվ տեղեկությունները, զննության են ենթարկել սնունդը, որը բաժանվում էր դատապարտյալներին հիմնարկի տեխնիկատնտեսական աշխատանքներում ներգրավված դատապարտյալ Տ.Գ.-ի կողմից: 

Արդյունքում՝ սնունդի միջից հայտնաբերվել է կարմիր, կպչուն ժապավենով փաթեթ, որում առկա են եղել ևս 2 առանձնացված փաթեթներ: Նշված փաթեթներից հայտնաբերվել են ափիոն տեսակի թմրամիջոցին նմանվող, 1,42 և 2,12 գրամ քաշերով զանգվածներ:

Հայտնաբերվածներն ուղարկվել են ՀՀ ՔԿ Արմավիրի մարզային քննչական վարչության Վաղարշապատի քննչական բաժին:  

Նույն ժամանակահատվածում հիմնարկի անվտանգության ապահովման բաժնի ծառայողները խուզարկության են ենթարկել կալանավորված անձ Ա.Ղ.-ի մոտ կարճատև տեսակցության եկած քաղաքացուհի Կ.Ա.-ին: Խուզարկությամբ վերջինիս հագի կոշիկների միջից հայտնաբերվել և առգրավվել է 2 բջջային հեռախոս: 

Կ.Ա.-ն հայտնել է, որ նշված հեռախոսներն իր հետ բերել էր «Արմավիր» քրեակատարողական հիմնարկ՝ կալանավորված անձ Ա.Ղ.-ին փոխանցելու համար: Դեպքի առթիվ նախապատրաստվում են նյութեր: 

Այս թեմայով Արագածոտնում տղամարդը հրազենով նախ սպшնել է իր շանը, ապա ինքնասպшն եղել Լարված իրավիճակ է Արմավիր–Երևան ճանապարհին (տեսանյութ) Փակ է Արմավիր Գյումրի ճանապարհը՝ Խանջյանի հատվածում (տեսանյութ) «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Լավ, տոնդ փոխի այ տղա», «Հանգստացեք, արա». Արմավիր-Գյումրի ճանապարհին լարված իրավիճակ է ՈւՂԻՂ. Արմավիր-Գյումրի միջպետական ճանապարհը փակ է Պատգամավոր Գառնիկ Դանիելյանը ուշագնաց էր եղել, բուժօգնություն է տրամադրվում. Տավուշում գերլարված է Դե, հայրենազրկում է, էլի, ինչ է եղել, որ.... «Փաստ» «Երիտթուրքերի «գենետիկ» թոռները». Նարեկ Սամսոնյանի հոդվածը՝ «Արմավիր» ՔԿՀ-ից Ոչ մի ազդանշան չի եղել․ Պեսկովը՝ ռուսական զորքերի դուրսբերման մասին