Ուր են և ինչու են լռում Հայաստանի խոշոր գործարարներն ու պաշտոնյաները. Մնացական Սաֆարյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք ԱԳՆ փոխնախարար Մնացական Սաֆարյանին, ով երկար տարիներ շարունակ բարձր դիվանագիտական պաշտոններ է զբաղեցրել. 1997-1998թթ.` ԱԳՆ Ասիայի, Օվկիանիայի և Աֆրիկայի վարչություն, կցորդ, 1998 – 2001թթ.` Չինաստանում ՀՀ դեսպանություն, կցորդ, 2001 – 2003թթ.` ԱԳՆ Ասիայի, Օվկիանիայի և Աֆրիկայի վարչություն, երրորդ քարտուղար, 2005 – 2009թթ.` ԱԳՆ Ասիայի, Օվկիանիայի և Աֆրիկայի վարչություն, երկրորդ քարտուղար, բաժնի վարիչի պաշտոնակատար, 2009 – 2012թթ.` Չինաստանում ՀՀ դեսպանություն, առաջին քարտուղար, հյուպատոս, 2012 – 2015թթ.` ԱԳՆ Ասիայի, Օվկիանիայի և Աֆրիկայի վարչություն, առաջին քարտուղար, խորհրդական, բաժնի վարիչի պաշտոնակատար, 2015 – 2018թթ.` Բելգիայում ՀՀ դեսպանություն, ԵՄ-ում ՀՀ առաքելություն, խորհրդական, 2018 – 2021թթ.` ԱԳՆ Հյուսիսարևելյան Ասիայի բաժնի վարիչ, 2021 – 2022թթ.` ԱԳՆ Ասիայի և խաղաղօվկիանոսյան երկրների վարչության պետ: 2022թ․ հունվարի 26-ին ՀՀ վարչապետի որոշմամբ նշանակվել է ՀՀ արտաքին գործերի նախարարի տեղակալ:

Ընդամենը մեկ տարի առաջ Սաֆարյանը հայտարարում էր՝ «Հայաստանը հայտարարել է խաղաղ օրակարգի՝ տարածաշրջանում հաստատման և այս ուղով ընթանալու վերաբերյալ: Վարվում են բանակցություններ, և մենք այս բանակցություններում նպատակ ունենք ապահովելու Լեռնային Ղարաբաղի բնակչության իրավունքներն ու անվտանգությունը»: ինչպես տեսնում ենք՝ չստացվեց և վարած բանակցությունների արդյունքում Արցախն այսօր հայաթափվել է, արցախցիներն էլ ենթարկվել են էթնիկ զտման: 

Նույն Սաֆարյանը, ով, ըստ իր խոսքերի, անմնացորդ բանակցում էր Արցախի բնակչության իրավունքների և անվտանգության ապահովման համար, այնուհետև լրագրողներից պահանջում էր չպարտադրել իրեն այո կամ ոչ ասել՝ Արցախը կլինի՞ արդյոք Ադրբեջանի կազմում հարցին:

Մյուս կողմից էլ նույն Սաֆարյանը ժամանակին չէր խորշում իր կոստյումի վրա ամրացնել Արցախի Հանրապետության դրոշը։

Անշուշտ, հարց է առաջանում՝ իսկ այսքան տապալումներից և փաստացի Արցախի կորստից հետո երկար տարիներ իրեն Հայաստանին և Հայաստանի շահերի պաշտպանելուն միտված դիվանագիտական գործունեությանը նվիրած Սաֆարյանը ոչինչ չունի ասելո՞ւ որպես փորձառու դիվանագետ և մարդ, ով, ըստ էության, երկար տարիներ աշխատել է պաշտպանելու Հայաստանի և Արցախի շահերը: Ի՞նչն է փոխվել Սաֆարյանի մոտ, բացի, անշուշտ, պաշտոնից...

Շարունակելի...

Այս թեմայով Ստյոպա Սաֆարյանը «թռնում է» Նիկոլի ու Աննայի վրայից․ անկեղծ զրույց ոսկեպարցիների հետ (տեսանյութ) ԱԳ նախարարի տեղակալ Մնացական Սաֆարյանն աշխատանքային հանդիպում է ունեցել Լիտվայի ԱԳ նախարարի տեղակալ Յոնաս Սուրվիլայի հետ Մնացական Սաֆարյանն ընդունել է ՀՀ-ում Կամբոջայի Թագավորության դեսպան Պիչխուն Պանյային Երևանի Սաֆարյան փողոցում վրաերթի ենթարկված կինը մահացել է Առաջիկայում Երևանի և Բաքվի միջև արտգործնախարարների մակարդակով հանդիպում չի լինի. Սաֆարյան Փող ունես իջի կենտրոն կայանի, չունես կանգնի կվարտալ, ոտքով արի․ Մնացական Բիչախչյան Ծանրամարտի Մ20 ԵԱ․ Մնացական Աբրահամյանը՝ բրոնզե մեդալակիր Ո՞նց, հանա՞ք եք անում ՌԴ հետ․ ո՞նց կպարտվի, միջուկային պատերազմ կլինի, աշխարհը կկործանվի․ Սաֆարյան Կոչ ենք անում չքանդել ու վնաս չտալ Եվրասիական ինտեգրման քաղաքակրթական տարածքին․ Սաֆարյան Մնացական Մարտիրոսյանը նշանակվել է Երևանի առաջին ատյանի ընդհանուր իրավասության քրեական դատարանի նախագահ