Հունվարի 1-ից ֆունկցիոնալության գնահատում կանցնեն նաև հաշմանդամության գնահատման համար կրկնակի դիմած անձինք

ԱՍՀ նախարարությունից հիշեցնում են, որ 2024 թվականի հունվարի 1-ից բժշկասոցիալական փորձաքննության փոխարեն (բսփ) ֆունկցիոնալության գնահատում կանցնեն նաև հաշմանդամության գնահատման համար կրկնակի դիմած անձինք։

«Մինչ այս ֆունկցիոնալության գնահատում անցնում էին 2023 թվականի փետրվարի 1-ից հաշմանդամության սահմանման համար առաջին անգամ դիմող անձինք։

ԱՆՀՐԱԺԵՇՏ ՔԱՅԼԵՐԻ ՀԱՋՈՐԴԱԿԱՆՈՒԹՅՈՒՆԸ՝

Հաշմանդամության ժամկետը լրանալուց հետո քաղաքացին անձը հաստատող փաստաթղթով պետք է դիմի իրեն բժշկական օգնություն և սպասարկում իրականացնող կազմակերպություն (պոլիկլինիկա)։ Բժշկական օգնություն և սպասարկում իրականացնող կազմակերպությունը էլեկտրոնային առողջապահության համակարգում կձևավորի ուղեգիր և քաղաքացու առողջական վիճակի վերաբերյալ տվյալներ, որոնք հասանելի կլինեն ֆունկցիոնալության գնահատման էլեկտրոնային e-disability համակարգում։

Այնուհետև քաղաքացին կարող է ֆունկցիոնալության գնահատման էլեկտրոնային e-disability համակարգում առցանց մուտքագրել դիմում կամ մոտենալ Միասնական սոցիալական ծառայության ցանկացած տարածքային կենտրոն։ Դիմումը մուտքագրելուց հետո էլեկտրոնային համակարգը ինքնաշխատ՝ պատահականության սկզբունքով, կձևավորի անձի ֆունկցիոնալությունը գնահատող հանձնաժողով։

Հանձնաժողովում ընդգրկված կլինեն ոչ միայն բժշկական, այլև հարբժշկական ծառայություններ մատուցող անձի ֆունկցիոնալությունը գնահատող մասնագետներ։ Հաշմանդամության խմբերի և հաշմանդամ երեխա կարգավիճակի փոխարեն կսահմանվեն ֆունկցիոնալության սահմանափակման աստիճաններ՝ թեթև, միջին, ծանր և խորը։

Գնահատող բազմամասնագիտական հանձնաժողովը կմշակի նաև ծառայությունների անհատական ծրագիրը։ Անձի ֆունկցիոնալության գնահատման էլեկտրոնային համակարգում ինքնաշխատ եղանակով կձևավորվի ֆունկցիոնալության գնահատման որոշումը և ծառայությունների անհատական ծրագիրը։

Քաղաքացին փաստաթղթերին կարող է ծանոթանալ ինչպես իր էլեկտրոնային հասցեին ծանուցման եղանակով, այնպես էլ դիմելով Միասնական սոցիալական ծառայության իր բնակության վայրը սպասարկող տարածքային կենտրոն»,- ասված է հաղորդագրությունում։

Այս թեմայով Տավուշից բնակիչներ են բերվել Երեւան` Փաշինյանի հետ փակ հանդիպման համար. աղբյուր Ինչի՞ եք լռում, ինչի՞ հիմա չեք ասում, որ պետք է պայքարել երկրի համար. Տիգրան Վարդանյանը՝ Մկոյին Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ) Անունով, կայքերով, իրենց կուսակցությամբ, ղեկավարով զրպարտելու համար պատասխան են տալու. Բագրատ Սրբազան (տեսանյութ) Բագրատ Սրբազանին «գործակալ ու Կրեմլից փող ստացող» անվանելու համար սկսվելու է դատական գործընթաց (տեսանյութ) «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել Նոյեմբերյանի Հաղթանակ բնակավայրում խուլիգանական արարքների համար մեղադրվող 4 անձանցից 3-ը կալանավորվել են. ՔԿ Եվրոպացիները չեն մեռնի Դոնբասի համար․ Բորել Ինձ կալանավորում են հորս լռեցնելու համար, բայց դուխներդ չգցեք, շարունակեք մեր արդար պայքարը. Վահագն Մախսուդյան Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան