26-ամյա գեղանկարիչ Միքայել Հարությունյանն ազատվեց զինծառայությունից. Նրա համար միջնորդել են միջազգային հայտնի դեմքեր

Կառավարությունն իր այսօրվա՝ հունվարի 11-ի նիստում պարտադիր զինծառայությունից ազատեց 26-ամյա Միքայել Գեւորգի Հարությունյանին:

Որոշման հիմնավորման մեջ նշվում է, որ Միքայել Հարությունյանը 2016-ին ընդունվել և 2020 թվականին գերազանցությամբ ավարտել է Հայաստանի Գեղարվեստի պետական ակադեմիան: Նույն թվականին դարձել է Հայաստանի նկարիչների միության անդամ: 2018 թվականին ՀՀ կրթության և գիտության նախարարության կողմից ճանաչվել է ՀՀ լավագույն ուսանող: ՀՀ մշակույթի և ՀՀ կրթության և գիտության նախարարությունների կողմից արժանացել է շնորհակալագրերի: Այս մասին հայտնում է News.am-ը։

Միքայել Հարությունյանը իր ստեղծագործական գործունեությունը սկսել է վաղ հասակից, միջազգային ձեռքբերումները՝ 2014 թվականից: 2011 թվականին նրա նկարի հիման վրա ստեղծվել է «Զինվորի Պաշտպանն» մեդալը: 

2015 թվականից համագործակցում է Մայր Աթոռ Սուրբ Էջմիածնի հետ: Մի շարք նկարներ գտնվում են Մայր Աթոռի Վեհարանի թանգարանում, Գերագույն հոգևոր ժողովների սրահում, Գանձատանը և այլն: Նրա նկարները մշտական տեղ են գտել Էջմիածնի Սբ. Գայանե վանքում (Խորանի սրբապատկեր), Սբ, Հռիփսիմե վանքում, Եղվարդի Սբ. Սարգիս եկեղեցում (Խորանի սրբապատկեր), Կանադայի Լավալ քաղաքի Սբ. Խաչ եկեղեցում (Խորանի սրբապատկեր): Այդ նկարները օգտագործվում են նաև եկեղեցական զգեստների, եկեղեցական պարագաների ոլորտում, հայկական և օտարերկրյա հոգևոր կայքերում և այլ մեդիա հարթակներում: Ամենայն Հայոց Կաթողիկոսի կողմից Միքայել Հարությունյանն արժանացել է հուշամեդալի և անվանական նվերի:

Ունեցել է 4 անհատական ցուցահանդես Հայաստանում: Միքայել Հարությունյանի մասին հոդվածներ են տպագրվել ամերիկյան, ֆրանսիական,իտալական, հրեական, հայ-ռուսական և հայկական ամսագրերում, թերթերում: Նրա աշխատանքները տպագրվել են բազմաթիվ հայկական և արտասահմանյան գրքերում, ինչպես նաև սոցիալական հարթակներում:

Միքայել Հարությունյանի աշխատանքները գտնվում են Կոմիտասի անվան թանգարան-ինստիտուտում, Վիլյամ Սարոյանի տուն-թանգարանում(Ֆրեզնո, ԱՄՆ), Բ. Ելցինի անվան ՌԴ նախագահական գրադարան-թանգարանում (Սանկտ-Պետերբուրգ), Իսրայելի քնեսեթի թանգրանաում(Երուսաղեմ), Սուրբ Ղազար կզում (Վենետիկ, Իտալիա), որի համար արժանացել է հուշամեդալի, Հայկական ազգային մշակույթի թանգարանում (Մոսկվա), ինչպես նաև աշխարհի 17 երկրների անհատ կոլեկցիոներների անձնական հավաքածուներում:

Միքայել Հարությունյանը ստացել է տարկետում՝ մինչև 2022 թվականի ամառային զորակոչը, ապա նաեւ միչև նրա 26 տարին լրանալը:

Միքայել Հարությունյանը 2022 թվականին տարկետում ստանալուց հետո շարունակել է իր ստեղծագործական գործունեությունը, մասնավորապես՝

2022 թվականի Catholic Art Institut-ի կողմից կազմակերպված «Sacred Art Prize-2022»միջազգային մրցույթին արժանացել է 3-րդ մրցանակի, Չիկագո, ԱՄՆ.

2023 թվականին Portrait Society of America-ի կողմից կազմակերպված «Future Generation» միջազգային հեղինակավոր մրցույթին արժանացել է 3-րդ մրցանակի, ինչպես նաև անդամակցումություն նշյալ կազմակերպությանը, իսկիր աշխատանքը տպագրվել էհանրահայտ International Artist և American Art Collector ամսագրերում, Վաշինգտոն, ԱՄՆ.

2023 թվականին «Art Seasons»միջազգային մրցույթին արժանացել է 1-ին մրցանակի «Ձմեռը հայկական գյուղում» կտավի համար, Մոսկվա, ՌԴ.

Միքայել Հարությունյանը մասնակցել է նաև բազմաթիվ այլ հայկական, համահայկական և միջազգային մրցույթների, ցուցահանդեսների:

2017 թվականին իր հեղինակած նկարներից մեկը Ֆլորիդա նահանգում դարձել է ամերիկյան Man in the hat սիգարների լոգոտիպը և օգտագործվել դրա հետ կապված տարբեր այլ իրերի վրա:

Միքայել Հարությունյանը 2021 թվականին Երուսաղեմի Սուրբ Հարության տաճարի համար հեղինակել է նկար, իսկ 2022 թվականին մասնակցել է այդ նկարի օծման արարողությանը: Արժանացել է Երուսաղեմի Հայոց Պարիարք Նուրհան Արքեպիսկոպոսի շնորհակալական գրությանը:

2022 թվականին դեկտեմբերի Բաղրամյան պողոտայում գտնվող Մարշալ Բաղրամյանի արձանի և Հայաստանի Ամերիկյան համալսարանի միջև գտնվող բարձունքում հին եռագույնի փոխարեն տեղադրվել է Միքայել Հարությունյանի նախագծած նոր եռագույնի տարբերակը:

Կոմիտաս Վարդապետին և Խրիմյան Հայրիկին նվիրված նկարներով ԱրցախՓոստը տարբեր տարիներին թողարկել է նամականիշներ և փոստային բացիկներ:

2024 թվականի հունվարին ՀայՓոստի կողմից նախատեսվում է թողարկել նամականիշ և փոստային բացիկ նվիրված բարերար Հրանտ Վարդանյանին(դիմանկարի աշխատանքները ընթացքի մեջ են):

Միքայել Հարությունյանի համար երաշխավորագրեր են ներկայացրել ՀՀ ժողովրդական նկարիչներ Հրանտ Թադևոսյանը (Թաթոս), Փարավոն Միրզոյանը, Վլադիմիր Մարգարյանը (Վալմար), ԽՍՀՄ ժողովրդական արտիստ Հովհաննես Չեքիջյանը, ՀՀ նկարիչների միության նախագահ Սուրեն Սաֆարյանը, ՀՀ ժողովրդական արտիստ Հասմիկ Լեյլոյանը, Փարիզի դեկորատիվ արվեստների ազգային բարձրագույն ակադեմիայի պրոֆեսոր Ջիուզեպպե Կակկավալեն, իտալացի արվեստի խորհրդատու Կլաուդիո Կոմպոստին (Միլան), արվեստագետ, քանդակագործ, Art for the World ժամանակակից արվեստի միջազգային կազմակերպության անդամ Միքայել Օհանջանյանը, ՀՀ արվեստի վաստակավոր գործիչ Ավիկ Իսահակյանը և Չարենցի տուն-թանգարանի ավագ գիտաշխատող, Չարենցի թոռնուհի Անահիտ Չարենցը:

Միքայել Հարությունյանը առաջիկայում հրավեր ունի Շվեյցարիայում հանդես գալու անհատական ցուցահանդեսով՝ տեղի պատկերասրահի հետ համագործակցելու հեռանկարով: Հրավերներ ունի նաև ցուցահանդեսներով հանդես գալու Իտալիայում, ԱՄՆ-ում և այլ երկրներում:

Հաշվի առնելով Միքայել Հարությունյանի անցած ստեղծագործական ուղին, նրա ներդրումը հայ մշակույթում, ինչպես նաև Հայաստանն ու հայ մշակույթը միջազգային հարթակներում ըստ արժանավույն ներկայացնելը և խոստումնալից ապագան՝ առաջարկվել է Միքայել Հարությունյանին ազատել պարտադիր զինվորական ծառայությունից:

Այս թեմայով Միքայել արքեպիսկոպոս Աջապահյանի նկարով կեղծ հայտարարություն է տարածվում Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Երևանի դպրոցներից մեկում 14-ամյա տղաները հարվածել են համադասարանցու գլխին. նա հոսպիտալացվել է Իմ ելույթի մեջ միջազգային իրավունքին չհամապատասխանող որևէ բան չկար․ Սիմոնյանն արձագանքեց Մատվիենկոյին Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Նոյեմբերյանում ճանապարհը փակելու համար 5 անձ ձերբակալվել է Բա ո՞ւմ դեմ փորձեն պայքարել, միակ ուժը, որ իրենց դեմ կանգնած է, Եկեղեցին է ու հոգևորականությունը. Միքայել արքեպիսկոպոս Աջապահյան