Ադրբեջանում որոշել են հիմնովին զբաղվել Հայաստանի հանքերով. «Հրապարակ»

Ադրբեջանում որոշել են հիմնովին զբաղվել Հայաստանի հանքերով և ամեն ինչ անել, որ մեր հանքարդյունաբերությանը վնասեն: Այս մասին գրում է hraparak.am-ը:  

«Ադրբեջանում հիմա էլ մշակում են Հայաստանի լեռնահանքային հանքավայրերի քարտեզը: Այն ցույց է տալու, թե Հայաստանում որտեղ կան օգտակար հանածոներ։ Այս մասին հայտնում է Ադրբեջանի Քարտեզագիրների հանրային միավորումը։ Քարտեզում 

Հայաստանի ողջ տարածքն է, եւ ոչ թե միայն այն հանքավայրերն ու արդյունաբերական կենտրոնները, որոնք Ադրբեջանի հետ սահմանակից են: Այնտեղ նաեւ բնապահպանական կեղծ տեղեկատվություն է զետեղվելու, թե որ գետն ինչով է աղտոտվում եւ ուր են դրանք հոսում։ 

Քարտեզը, ըստ ադրբեջանցիների, պատրաստ կլինի չորս ամսից։ Այն լինելու է ըստ ադրբեջանական տեղանուններով եւ ներկայացվելու է անգլերեն, հայերեն, ադրբեջաներեն լեզուներով։ 

Թե ինչու են այս անգամ էլ Բաքվում որոշել զբաղվել Հայաստանի լեռնահանքային հանքավայրերով, դժվար չէ կռահել` բնապահպանական հորինված խնդիրների անվան տակ Ադրբեջանը, որը Կասպից ծովն ամբողջությամբ ապականել է, որոշել է Հարավային Կովկասի բնապահպանական վիճակի մասին «ահազանգել» աշխարհին: 

Վերջերս էլ ադրբեջանցիները, որոնց լկտիությունը չափ ու սահման այլեւս չի ճանաչում, բնապահպականական հայցերով դիմել էին միջազգային դատարան, նպատակ ունենալով նաեւ այդ կերպ մինչեւ վերջ Հայաստանը «խեղդել»: 

Նրանք Ղարաբաղի «օկուպացիայի» ընթացքում բնության աղտոտման համար կոմպենսացիա են ուզում ստանալ և պահանջում են դադարեցնել տարածաշրջանի աղտոտման գործընթացները՝ հիմա՝ փակել հայաստանյան հանքերը»,– գրում է կայքը։

Այս թեմայով Նախկին պաշտոնյաների հանքերը արտոնյալ. ու՞մ շահերն է պաշտպանում Փաշինյանը Նիկոլ Փաշինյանը թեթևացնում է հանքատեր նախկին պաշտոնյաների կյանքը Նախկին պաշտոնյա հանքատերերը շարունակում են «պլստալ» ՔՊ-ական նորընտիր համայնքապետերը «լծվել» են խոշոր բիզնեսի շահերը սպասարկելուն Ինչո՞ւ Նիկոլ Փաշինյանը չգնաց հանքերի իրական սեփականատերերի «հետևից» Իշխանությունները օգնում են նախկին վարչապետերի խորհրդականին «զավթել» Սյունիքի հանքերը Հայաստանի քաղաքացին Ռոստովի մարզում Ռինատ Ախմետովին պատկանող ածխահանքերի հավանական գնորդն է Նոր Հայաստանի հանքերի հին տերերը. ովքե՞ր են օգտվում արտոնյալ պայմաններից ՏՄՊՊՀ-ն մատնեց Նիկոլ Փաշինյանին Արցախը կզրկվի՞ հանքարդյունաբերությունից եկող հարկերից․ քանի հանքավայր կանցնի Ադրբեջանին