Սևան քաղաքում 2023 թվականին հիմնանորոգվել է 4 փողոց

Գեղարքունիքի մարզի Սևան համայնքում ՀՀ կառավարության կողմից 2021 և 2022 թվականներին իրականացվող սուբվենցիոն ծրագրերի շրջանակներում արդեն 2023 թվականին հիմնանորոգվել են Սևանի Նաիրյան, Գևորգ Մարզպետունի, Սունդուկյան և Խորհուրդների փողոցները։

Ինչպես տեղեկանում ենք Սևանի համայնքապետարանից՝ քաղաքի ներհամայնքային 4 փողոցի հիմնանորոգման ծրագրի պայմանագրային արժեքը կազմել է 209 միլիոն 203 հազար դրամ, որից 111 միլիոն 297 հազարը ՀՀ կառավարության, 97 միլիոն 906 հազարը՝ Սևանի համայնքապետարանի ներդրումն է։ 

Սևանի Նաիրյան փողոցը հիմնանորոգվել է ՀՀ կառավարության կողմից 2021 թվականին իրականացվող սուբվենցիոն ծրագրերի շրջանակներում։ Ծրագրի պայմանագրային արժեքը 66 միլիոն 960 հազար դրամ է, որի 60 տոկոսը հատկացրել է ՀՀ կառավարությունը, 40 տոկոսը՝ Սևանի համայնքապետարանը։

Շինարարական աշխատանքները մեկնարկել են 2023 թվականի հուլիսի սկզբներից և ավարտվել սեպտեմբեին:

Ասֆալտապատումը ներառել է Նաիրյան-Սայաթ-Նովա փողոցների խաչմերուկից Զ. Անդրանիկի հրապարակի տարածքը: Ասֆալտապատվող ճանապարհի մակերեսը կազմել է 7696 քառակուսի մետր:

Իրականացվել են նաև ասֆալտբետոնե ծածկույթի ֆրեզման, խարխլված բազալտե եզրաքարերի ապամոնտաժման ու վերատեղադրման, դիտահորերի և անձրևընդունիչների հավաքովի երկաթբետոնե ծածկի սալի ապամոնտաժման ու դրանց պատերի բարձրացման, ճանապարհների գծանշման և կահավորման աշխատանքներ։

Սևանի Ցամաքաբերդ թաղամասի Գևորգ Մարզպետունի փողոցը հիմնանորոգվել է ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում։ Ծրագրի պայմանագրային արժեքը շուրջ 55 միլիոն դրամ է, որի 50 տոկոսը հատկացրել է ՀՀ կառավարությունը, 50 տոկոսը՝ Սևանի համայնքապետարանը: Ծրագրի իրականացման արդյունքում Գևորգ Մարզպետունի փողոցն ասֆալտապատվել է շուրջ 600 գծամետր երկարությամբ և 4500 քառակուսի մետր մակերեսով։

Շինարարական աշխատանքները մեկնարկել են 2023 թվականի սեպտեմբերին և ավարտվել նոյեմբերին։ Այս փողոցը կարևոր նշանակություն ունի ցամաքաբերդցիների համար, քանի որ այն միանում է կենտրոնական՝ Ազատության փողոցին, միաժամանակ տանում դեպի Ցամաքաբերդի սուրբ Գևորգ եկեղեցի և գերեզմանոց։

Սևանի Խորհուրդների և Սունդուկյան փողոցների հիմնանորոգման ծրագրի պայմանագրային արժեքը կազմում է 87 միլիոն 243 հազար դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Սևանի համայնքապետարանը։

Շինարարական աշխատանքները մեկնարկել են 2023 թվականի սեպտեմբերին և ավարտվել դեկտեմբերին։

Ծրագրի իրականացման արդյունքում Սևան քաղաքի Սունդուկյան և Խորհուրդների փողոցներում ասֆալտապատմամբ հիմնանորոգվել է 6064 քառակուսի մետր ճանապարհ, որն ընդգրկում է նաև Գոմաձոր թաղամասի գերեզմանոց տանող ճանապարհահատվածը։

Իրականացվել են նաև ճանապարհների գծանշման ու կահավորման աշխատանքներ։

Վերոնշյալ ճանապարհաշինական ծրագրերի իրականացման արդյունքում 2023 թվականին Սևան քաղաքում հիմնանորոգվել է 18 հազար 260 քառակուսի մետր ճանապարհ։

Այս թեմայով Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Նոյեմբերյան քաղաքում այսօր տեղի ունեցած տեսանյութի կադրերում 2 հիմնական էլեմենտ է աչքի ընկնում․ Տիգրան Աբրահամյան ՈՒՂԻՂ․ Բազմաթիվ քաղաքացիներ փակել են Երևան-Սևան մայրուղին Սևանի թերակղզու հատվածում Գերմանացի` 2018 թվականին մահացած ճանաչված միլիարդատիրոջը հայտնաբերել են Մոսկվայում՝ սիրուհու տանը (լուսանկարներ) «Ժողովուրդ». ՊԵԿ-ը հետաձգել է 2023 թվականի հաշվարկ-հայտարարագրերի ներկայացման վերջնաժամկետը Որքան եկամուտ են ունեցել Բայդեն ամուսինները անցած՝ 2023 թվականին Մարտունի քաղաքում անասնագոմ է հրդեհվել 2024 թվականին ՏՏ ոլորտում գրանցված աշխատողների թվի աճ է արձանագրվել․ վարչապետ