«Ալթունյան» անսամբլը հյուրախաղերով հանդես կգա Ֆրանսիայի քաղաքներում

Ֆրանսիական «S.A.S. SPECTACLES DE TOUS PAYS» կազմակերպության հրավերով «Ժողովրդական երաժշտության և պարի ազգային կենտրոն ՊՈԱԿ-ի «Ալթունյան» պետական անսամբլը բացառիկ հյուրախաղերով հանդես կգա Ֆրանսիայի մի շարք քաղաքներում: Ծրագիրն իրականացվում է Կրթության, գիտության, մշակույթի և սպորտի նախարարության, Ֆրանսիայում Հայաստանի Հանրապետության դեսպանության և ՀՀ-ում Ֆրանսիայի Հանրապետության դեսպանության աջակցությամբ:

Հյուրախաղերը մեկնարկում են փետրվարի 28-ին և կշարունակվեն մինչև մարտի 29-ը: Շրջագայության ընթացքում տեղի կունենա 23 համերգ, հանդիսատեսին կներկայացվեն հայկական ժողովրդական երգն ու պարը, ազգային նվագարաններն ու տարազները։

Նշենք, որ «Ալթունյան» անսամբլը վերջերս է նշել ստեղծման հոբելյանը՝ 85-ամյակը: Այն հիմնադրվել է 1938 թվականի մարտի 5-ին՝ ՀԽՍՀ ժողովրդական արտիստ խմբավար Թաթուլ Ալթունյանի կողմից: Համահիմնադիրներն են կոմպոզիտոր Ալեքսանդր Ալեքսանդրյանը և պարուսույց Էդվարդ Մանուկյանը:

Անսամբլն ի սկզբանե կոչվել է «Ժողովրդական երգի-պարի անսամբլ»: Թաթուլ Ալթունյանը, Հայաստանի տարբեր շրջաններից հավաքելով ժողովրդական երգն ու պարը, մաքրել հղկել, համերգային, բեմական կյանք է պարգևել ու վերադարձրել ժողովրդին:

Ստեղծագործական երկար տարիների ընթացքում համույթի ղեկավարությունը ստանձնել են մարդիկ, որոնք նորացնելով երգի-պարի անսամբլը՝ պահպանել են ալթունյանական մշակութային ժառանգությունը, անսամբլի ազգային դիմագիծը՝ համերգային ծրագրի մեջ ներգրավելով երաժշտական թատերականացված, էպիկական շնչով համարներ:

Անսամբլը հյուրախաղերով հանդես է եկել աշխարհի տարբեր երկրներում։

Այս թեմայով Ռուսաստանը հանդես է գալիս Բաքվի և Երևանի միջև շփումների շարունակման օգտին. Պեսկով ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ Հայաստանում Ֆրանսիայի դեսպան Օլիվիե Դըկոտինյին Հայոց ցեղասպանության տարելիցին նվիրված գրառում է արել Տպավորված եմ մարզի բնությամբ․ Ֆրանսիայի դեսպանը Տավուշում է Ֆրանսիայի առաջին տիկին Բրիջիթ Մակրոնի մասին սերիալ կնկարահանվի (լուսանկարներ) Սինջարում եզդիների նահատակությունը Հայոց ցեղասպանության կրկնությունն է՝ մեկ դար տարբերությամբ․ Հայաստանում Ֆրանսիայի դեսպան ՈՒՂԻՂ. Փաշինյանն ու Տոկաևը հանդես են գալիս հայտարարություններով Ֆրանսիայի ԱԳՆ-ն կանչել է Իրանի դեսպանին Կապանի օդանավակայանը Հայաստանի ինքնիշխան ենթակառուցվածք է․ Ֆրանսիայի դեսպան Այսօր կրկին այցելում եմ Սյունիք՝ ՀՀ-ի ռազմավարական նշանակության և խոցելի մարզ. Ֆրանսիայի դեսպան