Ներքին Հանդի հրամանատարությունը, եթե խելացի վարվեր, չորս զոհ չէինք ունենա․ Սեյրան Օհանյան

«Ես 2022 թվականի հուլիսին եմ գործընկերներիս հետ եղել Ներքին Հանդում, դա այն ժամանակահատվածն էր, երբ քննարկվում էր, թե ադրբեջանցիները ե՞րբ են իրենց դիրքերը առաջ տվել։ Տեղում աշխատելու ժամանակ մենք պարզեցինք, որ իրենք դիրքերը առաջ են տվել հենց 2022-ին, և տեղի հրամանատարական ղեկավարությունը չէր կարողացել ճշտել ու ժամանակին զեկուցել դրա մասին։ Այնտեղ մենք տեսել ենք ռուսական անցակետ, որը որևէիցե մի բան չէր տալիս»,- այս մասին այսօր ճեպազրույցի ընթացքում հայտնել է ԱԺ ընդդիմադիր պատգամավոր Սեյրան Օհանյանը՝ պատասխանելով լրագրողների՝ Ներքին Հանդում տեղի ունեցած ադրբեջանական հարձակման վերաբերյալ հարցերին։ 

«Ես զարմանում եմ մեկ բանի վրա, որ ՀՀ-ում, փաստորեն, կարելի է՝ օրինակ նոյեմբերի 10-ի հայտարարությունից հետո բանավոր հրահանգ տալ և ասել՝ զորքերը հետ քաշեք մինչև ՀՀ սահման, երբ պայմանավորվածություն կար զորքերը կանգնեցնել այնտեղ, որտեղ մարտական գործողությունները ավարտվել էին, չհասկանալով, որ յուրաքանչյուր այդպիսի հատված հիմք է հանդիսանալու հետագայում սահմանազատման, սահմանգծման բանակցություններում առավելություն ունենալու համար։ Եվ նաև զարմանում եմ, որ ՀՀ իշխանությունները չգիտեն, թե ինչ պայմանագրի համաձայն են ՌԴ սահմանապահները գտնվում Ներքին Հանդում»,- թեման շարունակելով նման դիտարկմամբ է հանդես եկել Օհանյանը՝ անդրադառնալով նաև ռուսական կողմին ուղղված մեղադրանքներին, ըստ որոնց՝ նրանք կարող էին, սակայն չեն կանխել բախումները սահմանին, ինչպես նաև թույլ չեն տվել, որպեսզի ԵՄ դիտորդները այցելեն այդ հատված։ 

Ընդդիմադիրի համոզմամբ, եթե ՌԴ սահմանապահների՝ Հայաստանում տեղակայման առնչությամբ պայմանագիր չկա, դա նշանակում է, որ երբ անհրաժեշտություն է եղել, երբ իշխանությունը «նեղն է եղել», բանավոր ասել են ռուսներին՝ կարող եք գնալ, տեղակայվել․

«Այսօրվա շփման գծում ՀՀ և Ադրբեջանի Զինված ուժերի ստորաբաժանումների միջև ցանկացած սադրանք կանխելը, դրանից հետո համապատասխան միջոցառումներ ձեռնարկելը մեր Զինված ուժերի գործառույթն է, և տեղի հրամանատարությունը, եթե խելացի կերպով վարվեին, իրենք գիտեն՝ ինչ է նշանակում սադրանք, ինչ է նշանակում՝ ուժեղացնել պաշտպանությունը, միջոցներ ձեռնարկել անվտանգության վերաբերյալ, եթե այդ ամենը իրականացվեր՝ մենք գոնե 4 զոհ չէինք ունենա։ Եվ ամենակարևորը՝ մեր կողմից հակագործողություններ չեն իրականացվել․ ադրբեջանցիները գնալու են սադրանքների այնքան ժամանակ, որքան զգան, որ մենք թույլ ենք»,- ադրբեջանական կողմի վերջին հարձակման վերաբերյալ իր խոսքն այս կերպ ամփոփեց ՀՀ ՊՆ նախկին նախարարը։ 

Այս թեմայով Ալիևը լուրջ մարդ է, իր երկրի շահերն է առաջ տանում, նա Բաքվից կորոշի՝ հայը տաք ջուր ունենա, թե՞ ոչ Բաքուն չորս գյուղերով չի կանգնելու, խաղաղության ստորագրման պահին ՀՀ-ից էլի են պոկելու (տեսանյութ) Մեզ անհրաժեշտ է ներքին հաշտություն ու համահայկական բոլոր ռեսուրսների համախմբում. Գագիկ Ծառուկյան Կարևոր եմ համարում Մեծ եղեռնի ներքին հայեցումը․ Նիկոլ Փաշինյանի ուղերձը «Հիմա փոքր Վարդանն է բոլորիս ուժ տալիս, եղբայրները խենթանում են նրա համար». Վարդան Կևորկովն անմահացել է 2022 թ. սեպտեմբերի 13-ին Ներքին Հանդի դիրքում. «Փաստ» «Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ» «Ուրացված ցեղասպանությունը նոր ոճիր է ծնում». Սեյրան Օհանյանը կոչ է անում միանալ ջահերով երթին Ներքին զգացողություն ունեմ, որ այս տարվա Ջահերով երթը չի լինի պարզապես հերթական զբոսանքը Երևանի փողոցներով․ Էդգար Ղազարյան Ամոթ է․ հայ պատանդները մինչ այսօր Բաքվում են, ՀՀ-ին առաջին հերթին ներքին կայունություն է պետք․ Ադոնց Վայոց ձորում իրանական համարանիշերով բեռնատարը կողաշրջվել է