Գերմանիան 12 մլն եվրոյի արտոնյալ վարկ կտրամադրի, գումարը կուղղվի մասնավոր հատվածին. համաձայնագիրն ԱԺ-ում է

Հայաստանում վերականգնվող էներգետիկայի ոլորտում ներդրումների համար Գերմանիան 12 մլն եվրոյի արտոնյալ վարկ կտրամադրի, այն կուղղվի մասնավոր հատվածին:

«Հայաստանի Հանրապետության կառավարության և Գերմանիայի Դաշնային Հանրապետության կառավարության միջև 2022 թվականի ֆինանսական համագործակցության մասին» համաձայնագիրը վավերացնելու մասին նախագիծը ԱԺ նիստում ներկայացրեց Էկոնոմիկայի նախարարի տեղակալ Ռաֆայել Գևորգյանը:

«Խոսքը Հայաստանին 12 մլն եվրո արտոնյալ պայմաններով վարկային միջոցներ տրամադրելու մասին է: Նախաձեռնությունը վերաբերում է մասնավոր հատվածին, տրվող գումարները հոսելու են մասնավոր հատված՝ ներդրումներ կատարելու վերականգնվող էներգետիկայի մի քանի ոլորտներում: Նրանք կարող են լինել իրավաբանական անձինք, որոնք կկառուցեն արևային կայաններ և ֆիզիկական անձինք, որոնք կկառուցեն փոքր ինքնավար կայաններ՝ իրենց կարիքները հոգալու համար»,-ասաց փոխնախարարը:

Գերմանիան վարկը տրամադրում է ոչ թե շուկայական, այլ արտոնյալ պայմաններով: Խոսքը 0.9 տոկոսային կետ ֆիքսված վարկային պարտավորության մասին է՝ մինչև 2030 թվական մարման ժամկետով:

Պատգամավոր Սերգեյ Բագրատյանը հետաքրքրվեց, թե ինչպե՞ս են գումարները բաշխվելու: Փոխնախարարը հայտնեց, որ «Գերմանահայկական հիմնադրամը», որը գործում է Կենտրոնական բանկի ներքո, կատարելու է տեղաբաշխման գործառույթը՝ կոմերցիոն բանկերի միջոցով:

Այս թեմայով Մարտին ապրանքների բացթողումից հետո պակաս վճարված մաքսային վճարների ու տույժերի գումարը՝ 41․101 մլն դրամ է ԱՄՆ Ուկրաինային 61 մլրդ դոլարի ռազմական օգնություն կտրամադրի Հարավային Կորեան 200 մլն դոլարի մարդասիրական օգնություն կտրամադրի Ուկրաինային Սամվելի գրավի գումարը հավաքելու համար ունենք ընդամենը 2 օր. Ռուբեն Մելիքյան Քննարկվել է մասնավոր թատրոնների խրախուսման մոդելների անհրաժեշտությունը Եվրոպական ներդրումային բանկը Հայաստանին կտրամադրի 25 մլն եվրո վարկ. ԱԺ-ն վավերացրեց պայմանագիրը Վաշինգտոնը ցանկացած օգնություն կտրամադրի Իսրայելին՝ հետ մղելու Իրանի սպառնալիքները. Բայդեն Վարկային համաձայնագրով նախատեսվող ծրագիրը կֆինանսավորվի 60 մլն 90 հզր եվրոյի չափով Գերմանիան Բունդեսվերի բրիգադ է ուղարկել Լիտվա՝ դա անվանելով կարևոր քայլ ՆԱՏՕ-ի համար «Եվրաջասթ»-ի, «Եվրոպոլ»-ի հետ ունեցել ենք սերտ համագործակցություն. համաձայնագիրն ավելի կամրապնդի և ինստիտուցիոնալ կդարձնի այն