Անցնող շաբաթվա ամենակարևոր լուրերի ընտրանին

Ձեր ուշադրությանն ենք ներկայացնում անցնող շաբաթվա ամենակարևոր լուրերի ընտրանին. Եվ այսպես՝

Ապրիլի 1

Արգենտինյան «Todos Noticias» հեռուստատեսության եթերում և առցանց հրապարակվել է ՀՀ ԱԳ նախարար Արարատ Միրզոյանի հետ Բուենոս Այրեսում նկարահանված հարցազրույցը: Նախարար Միրզոյանն անդրադարձ է կատարել Հայաստանի և Արգենտինայի միջև համագործակցության ընդլայնման հեռանկարներին, պաշտոնական այցի ընթացքում այդ ուղղությամբ կայացած քննարկումներին, ինչպես նաև Հարավային Կովկասում անվտանգային իրավիճակին:

Հայաստանի և Վրաստանի օրենսդիր մարմինների կրթության ու գիտության ոլորտը համակարգող հանձնաժողովների նախագահները ստորագրել են համագործակցության համատեղ հայտարարություն: Նշվել է, որ Վրաստանի հետ հարաբերությունների խորացումը ռազմավարական նշանակություն ունի մեր երկրի համար:

ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանն ընդունել է Համաշխարհային բանկի ներկայացուցիչներին՝ սոցիալական պաշտպանության ավագ մասնագետ Իվան Դրաբեկի գլխավորությամբ: Այս մասին հայտնում են ՀՀ ՏԿԵ-ից: Նախարարի տեղակալը կարևորել է մի շարք ծրագրերի մասով ՀՀ ՏԿԵ նախարարության և ՀԲ-ի միջև շարունակական և արդյունավետ համագործակցությունը

Ապրիլի 2

ՊՆ տեղեկատվության և հասարակայնության հետ կապերի վարչությունից հայտնել են, որ Ադրբեջանի ԶՈՒ ստորաբաժանումները ապրիլի 1-ին՝ ժամը 22:00-ին, Կութի (Գեղարքունիքի մարզ), ապրիլի 2-ին՝ ժամը 00:40-ին, Տեղի (Սյունիքի մարզ) հատվածում կրակ են բացել հայկական դիրքերի ուղղությամբ:

Պետական եկամուտների կոմիտեն տեղեկացնում է, որ 2024 թվականի առաջին եռամսյակի ընթացքում  հարկային մարմնի կողմից հավաքագրվել է 500.6 մլրդ դրամ եկամուտն, ինչը նախորդ տարվա նույն ժամանակաշրջանի ցուցանիշից ավելի է շուրջ 59.8 մլրդ դրամով կամ 13.6%-ով։

Ազգային ժողովի Հայաստան-Ճապոնիա բարեկամական խմբի անդամները հանդիպել են ՀՀ-ում Ճապոնիայի արտակարգ եւ լիազոր դեսպան Աոկի Յուտակայի հետ: Ողջունելով նորանշանակ դեսպանին խորհրդարանում` Հայաստան-Ճապոնիա բարեկամական խմբի ղեկավար Բաբկեն Թունյանը շնորհավորել է Աոկի Յուտակային պատասխանատու պաշտոնում նշանակվելու կապակցությամբ:

Ապրիլի 3

ՀՀ վարչապետ Նիկոլ Փաշինյանի  երկու որոշմամբ՝ Նարեկ Հովակիմյանը և Տաթևիկ Սարգսյանը նշանակվել են ՀՀ էկոնոմիկայի նախարարի տեղակալներ:

Խաչիկ գյուղի վարչական ղեկավարի խնդրանքով Հայաստանում ԵՄ առաքելությունը հետևել է տեղի գյուղատնտեսական աշխատանքներին՝ նրանց անվտանգության զգացողությունն ամրապնդելու համար:

2023 թվականի հունվար-դեկտեմբեր ամիսներին Հայաստան է այցելել Ադրբեջանի 13 քաղաքացի, իսկ Թուրքիայից 12 հազար 359 մարդ է եկել ՀՀ։ Հայաստան ամենաշատ զբոսաշրջիկներն այցելել են Գերմանիայից, Բելառուսից, Իտալիայից և այլն։

Ապրիլի 4

Երևանն ակնկալում է, որ ի վերջո ՀԱՊԿ-ը քաղաքական գնահատական կտա այն փաստին, որ Հայաստանի Հանրապետության սուվերեն տարածքները օկուպացվել են։ Այս մասին Ազգային ժողովում լրագրողների հետ ճեպազրույցի ժամանակ ասաց փոխարտգործնախարար Վահան Կոստանյանը՝ անդրադառնալով ՀԱՊԿ-ի այն հայտարարությանը, թե որն է Հավաքական անվտանգության պայմանագրի կազմակերպության պատասխանատվության գոտին ՀՀ-ում։ 

Վարչապետ Նիկոլ Փաշինյանն այցելել է ՀՀ տարածքային կառավարման և ենթակառուցվածքների նախարարության ջրային կոմիտե՝ վերջինիս 2023 թվականի գործունեության հաշվետվությունը քննարկելու նպատակով:

«Հայաստանի եվրաինտեգրման նոր հեռանկարները և մարտահրավերները» թեմայով Ազգային ժողովում հրավիրվել են խորհրդարանական լսումներ: Այն նախաձեռնել է ԱԺ եվրոպական ինտեգրման հարցերի մշտական հանձնաժողովը:

Ապրիլի 5

Հայաստանի ռազմավարական առաջնահերթություններից մեկը տարածքային ամբողջականությունն է և այստեղ Իրանի հետ առկա է շատ բարձր մակարդակի փոխըմբռնում, ՀՀ-ն շատ բարձր է գնահատում Իրանի հետ հարաբերությունները։ Այս մասին Հանրային հեռուստաընկերության եթերում Պետրոս Ղազարյանի հետ հարցազրույցի ժամանակ ասաց ԱԽ քարտուղար Արմեն Գրիգորյանը։

Բրյուսելում ՀՀ արտաքին գործերի նախարար Արարատ Միրզոյանը ստորագրել է Եվրոպական միության քրեական արդարադատության ոլորտում համագործակցության գործակալության («Եվրաջասթ») հետ Հայաստանի համագործակցությանը համաձայնագիրը։

Փաշինյան-Բլինքեն-Ուրսուլա ֆոն դեր Լյաեն հանդիպման արդյունքներով որոշում է կայացվել ԵՄ կողմից Հայաստանին տրամադրել 270 միլիոն դոլարի դրամաշնորհ՝ 4 տարում, ԱՄՆ-ն իր հերթին Հայաստանին կտրամադրի 65 միլիոն դոլարի օգնություն:

Ապրիլի 6

ՀՀ տարածքային կառավարման և ենթակառուցվածքների նախարար Գնել Սանոսյանը, փոխնախարար Քրիստինե Ղալեչյանը, «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանն Արագածոտնի եւ Շիրակի մարզեր կատարած շրջայցի ընթացքում ծանոթացել են Հյուսիս-հարավի Տրանշ-2-ում եւ Տրանշ-3-ում իրականացվող շինաշխատանքների ընթացքին։ Երկու հատվածում էլ շինարարությունն ակտիվ փուլում է։

Հայաստանի Հանրապետության արտաքին գործերի նախարարությունը վերահաստատել է, որ Հայաստանը տարածաշրջանում իրադրության սրմամբ հետաքրքրված չէ և Ադրբեջանին կոչ է արել դադարեցնել իրադրության սրմանը հասնելու գործողությունները:

Այս թեմայով Եկեղեցին մեզ մեր երկրի հետ կապող ամենակարևոր օղակներից է. Սիրուշո Իշխանության կողմից մեծաքանակ կեղծ լուրերի դաշտ նետելը ցույց է տալիս իրենց ներսում առկա խորը մտահոգությունը. Աբրահամյան Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը. Գեղամյան Գործ ունենք համակարգված տեղեկատվական ահաբեկչության հետ․ Գոռ Ծառուկյանը՝ Երևանի դպրոցներում ահաբեկչություն ծրագրելու լուրերի մասին ԱԱԾ-ն պարզում է, թե ովքեր են կանգնած դպրոցներում սպասվող ահաբեկչությունների լուրերի հետևում (տեսանյութ) Երևանի դպրոցներում ահաբեկչության մասին կեղծ լուրերի հետևում այլ երկրների հատուկ ծառայություններն են Սյունիքի մարզում ժայռային հատվածներով անցնող ճանապարհներին քարաթափումներ են լինում Չեմպիոնների լիգա․ Շաբաթվա լավագույն գոլերն ու սեյվերը (տեսանյութ) Գնել Սանոսյանն այցելել է միջպետական ճանապարհի՝ Աշտարակով անցնող հիմնանորոգվող հատված Հայաստանի կանանց ֆուտբոլի ընտրանին պարտությամբ մեկնարկեց Եվրոպայի առաջնության ընտրական փուլում