Թրամփի «Ոսկե Գմբեթը» հեռանում է Մասկից․ Պենտագոնը նոր գործընկերներ է փնտրում SpaceX-ի փոխարեն

ԱՄՆ նախագահ Դոնալդ Թրամփի վարչակազմը լայնածավալ «Golden Dome» հակահրթիռային համակարգի համար սկսում է նոր գործընկերների որոնում՝ խուսափելու Էլոն Մասկի SpaceX-ից չափազանց կախվածությունից։ Քաղաքական լարվածության ֆոնին ուշադրության կենտրոնում են հայտնվել Amazon-ի Kuiper նախագիծը, ինչպես նաև ավանդական պաշտպանական հսկաներ՝ Lockheed Martin, Northrop Grumman և L3Harris։

Golden Dome-ը պետք է դառնա ամերիկյան պատասխանը Իսրայելի Iron Dome-ին՝ սակայն շատ ավելի մեծ ծավալով և տիեզերական արբանյակային շերտով։ Թրամփը ցանկանում է համակարգի արագ ներդրում, իսկ նորանշանակ գեներալ Մայքլ Գյուտլայնը ունի ընդամենը 120 օր՝ ամբողջական նախագծի ներկայացման համար։

Թեև SpaceX-ը մնում է առաջատար տիեզերանավի արձակման կարողություններով, նրա դերը ծրագրում կարող է նվազել։ Թրամփի և Մասկի միջև սրված հակասությունները բացել են դաշտը նոր խաղացողների համար՝ ինչպիսին են Kuiper-ը և նորարար սիլիկոնյան ընկերությունները, սակայն դրանց կիրառումը ենթադրում է անվտանգության նոր մարտահրավերներ՝ ինչպես կիբերհարձակումներից պաշտպանություն, հայտնում է Reuters-ը ։