Հոգեբանը բացատրել է՝ ինչու որոշ մարդիկ չեն ցանկանում նշել ծննդյան օրը

Որոշ մարդիկ խուսափում են նշելու իրենց ծննդյան օրը, և այդ վարքագիծը կարող է ունենալ հոգեբանական խորքային պատճառներ։ Այս մասին La Nacion-ի հետ զրույցում հայտարարել է հոգեբան Վիանե Էսպարսան։

Նրա խոսքով՝ ծննդյան տոնը միայն տորթ և նվերներ չէ։ Դա մի պահ է, երբ շրջապատի մարդիկ արտահայտում են սեր և ուշադրություն, ինչը կարող է առաջացնել անհարմարություն այն անձանց մոտ, ովքեր դժվարությամբ են ընդունում սերը կամ ունեն խորքային ինքնագնահատականի խնդիրներ։

Էսպարսան այս վարքագիծը մեկնաբանել է որպես «պաշտպանական մեխանիզմ»․ խուսափելով ուշադրությունից՝ մարդը պաշտպանում է իրեն հնարավոր հիասթափություններից կամ հոգեբանական անհանգստությունից, գրում է Лента.ру-ն։