Հունգարիան չի պատրաստվում դադարեցնել ռուսական նավթի ու գազի օգտագործումը

Հունգարիան չի պատրաստվում ընդունել Եվրոպական հանձնաժողովի առաջարկը՝ հրաժարվել ռուսական նավթից և գազից մինչև 2028 թվականը։ Այդ մասին հայտարարել է երկրի ԱԳ նախարար Պետեր Սիյարտոն՝ ընդգծելով, որ Բրյուսելն իր քաղաքական որոշումներով սպառնում է հունգարական ընտանիքների բարեկեցությանը։

Նախարարը նշել է, որ ռուսական էներգառեսուրսների ներմուծումը վերջին երեք տարիներին արդեն զգալիորեն կրճատվել է, իսկ Ռուսաստանը այլևս վճռորոշ ազդեցություն չունի ԵՄ շուկայի վրա։ Նրա խոսքով՝ Ռուսաստանի դեմ քաղաքական նպատակն արդեն գրեթե իրագործվել է, և լիարժեք հրաժարումը կարող է հանգեցնել կոմունալ ծախսերի կտրուկ աճի։

Ըստ Eurostat-ի տվյալների՝ 2025-ի առաջին հինգ ամսում Հունգարիան դարձել է ԵՄ առաջատարը ռուսական գազի ներմուծման ծավալներով՝ 1.3 միլիարդ եվրոյի սահմանում։ Գերմանիան ու Սլովակիան զգալիորեն ետ են մնում ցուցանիշներով։