Ադրբեջանն ու Հայաստանը պատրաստ չեն որևէ պայմանով հաշտության պայմանագիր կնքել. ՌԴ ԱԳՆ

Ադրբեջանն ու Հայաստանը պատրաստ չեն որևէ պայմանով հաշտության պայմանագիր կնքել։ Դեռևս կան որոշ բարդ հարցեր, որոնք պետք է լուծվեն։ Այս մասին ՏԱՍՍ-ին տված հարցազրույցում ասել է ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարը։
«Բաքվից և Երևանից եկող ազդակները շուտափույթ խաղաղության հասնելու հանձնառության մասին չեն նշանակում, որ կողմերը պատրաստ են համաձայնել ցանկացած պայմանի: Մենք դեռ պետք է լուծումներ գտնենք մի շարք բարդ թեմաների շուրջ»,- ասել է նա՝ պատասխանելով հարցին այն մասին, թե ինչ խնդիրներ են խանգարում երկու երկրների միջև խաղաղության հաստատմանը։

Ինչպես նշել է դիվանագետը, դրանցից ամենագլխավորը Ադրբեջանի իրավական դաշտի շրջանակներում Լեռնային Ղարաբաղի բնակչության անվտանգության ապահովման և համընդհանուր ճանաչված իրավունքների պահպանման խնդիրն է։ «Համապատասխան տրամաբանությունը կողմերը որոշել են 1991 թվականի Ալմա-Աթայի հռչակագրի արդյունավետության փոխադարձ հաստատումից հետո: Պահանջվում է նաև համաձայնագրի իրականացմանը միջազգային աջակցության մեխանիզմ, որը կասկածի տակ չի դնի Հայաստանի և Ադրբեջանի անկախությունն ու ինքնիշխանությունը»,- հավելել է Գոնչարը։

Նա ընդգծել է, որ Ռուսաստանը ակտիվորեն օգնում է կողմերին խաղաղության պայմանագրի նախապատրաստման հարցում։

Այս թեմայով Մոսկվան լավ հեռանկարներ է տեսնում Երևան-Բաքու և Երևան-Անկարա հարաբերությունների կարգավորման համար. ՌԴ ԱԳՆ Ողջունում ենք Հայաստանի և Ադրբեջանի միջև ձեռք բերված համաձայնությունը. ՌԴ ԱԳՆ Եթե Փաշինյանը շուտ համաձայներ զինադադարին, 2020-ի պարտությունը չէր լինի. ՌԴ ԱԳՆ Պատրաստ ենք շարունակել երկխոսությունը Հայաստանի և Ադրբեջանի հետ. ՌԴ ԱԳՆ Ադրբեջանը հայտնում է երկու վիրավորի մասին Ֆրանսիան շահագրգռված չէ տարածաշրջանում խաղաղության և կայունության հաստատմամբ. Բաքուն մեղադրանքներ է հնչեցրել Ալիևը ՌԴ դեսպանի հետ խոսել է «տրանսպորտային միջանցքի կարևորության» մասին Պուտինն Էրդողանի հետ կքննարկի հայ-ադրբեջանական հարաբերությունները Արևմուտքը «կեղտոտ մեթոդներով» շանտաժի է ենթարկում Հայաստանին. ՌԴ ԱԳՆ Լեռնային Ղարաբաղի հակամարտությունը ամենաբարդերից է. ՌԴ ԱԳՆ