Ծաղիկ Վարդանյանի վերադարձը շոկ է առաջացրել, կառույցի աշխատակիցները անակնկալի են եկել. «Ժողովուրդ»

«Ժողովուրդ» օրաթերթը գրում է .«Առողջապահության նախարարության աշխատակազմի պետական առողջապահական գործակալության պետ Ծաղիկ Վարդանյանի շուրջ կրքերը դեռ չեն հանդարտվում:
Վերջինս, հիշեցնենք, աշխատանքից ազատվել էր նախորդ տարի՝ հունվարին:
«Ժողովուրդ» օրաթերթը գրել էր, որ Ծաղիկ Վարդանյանը, որն առողջապահության նախկին նախարար Արսեն Թորոսյանի կադրն է համարվում, վեճ է ունեցել առողջապահության նախարար Անահիտ Ավանեսյանի հետ, ու վերջինս որոշել է Վարդանյանին ազատել աշխատանքից: Դատարանը, սակայն, չեղարկել է Անահիտ Ավանեսյանի որոշումը և վերականգնել է Ծաղիկ Վարդանյանին իր պաշտոնում:

«Ժողովուրդ» օրաթերթի տեղեկություններով՝ ՊԱԳ-ում Ծաղիկ Վարդանյանի վերադարձը շոկ է առաջացրել, կառույցի աշխատակիցները անակնկալի են եկել: Բանն այն է, որ այս ընթացքում նրա դեմ շատ դավեր են նյութվել, ու մեզ փոխանցեցին, որ Վարդանյանի գալուց կառույցում անհաշտ մթնոլորտ կլինի:

«Ժողովուրդ» օրաթերթի՝ ՊԱԳ-ի աղբյուրները փոխանցեցին նաեւ, որ մեկ տարի առաջ՝ աշխատանքից ազատվելու որոշման մասին իմանալուն պես, Ծաղիկ Վարդանյանը որոշել է դատարկել ողջ աշխատասենյակը. պետությանը պատկանող գույքը՝ աթոռ, աշխատասեղան, հանել է տվել աշխատասենյակից: Մեր աղբյուրներից տեղեկացանք նաև, որ առաջիկայում Վարդանյանին կրկին աշխատանքից ազատելու են: Նա չի պաշտոնավարելու:
Տեղեկությունը ճշտելու համար դիմեցինք Ծաղիկ Վարդանյանին, որը պարզաբանեց, որ բացառապես իրեն պատկանող գույքն է վերցրել. «Նման բան չի եղել, բացառապես ինձ պատկանող գույքն եմ հանել աշխատասենյակից: Եթե ես գույք տարած լինեի, դրա մասին բարձրաձայնած կլինեին, հիմա մեկ էլ հիշեցին, որ գույք եմ տարել: Ես իմ անձնական գույքն եմ վերցրել՝ նկարներ, սրբապատկեր, ոչ մի ուրիշ բան չկա: Այնտեղ տանելու բան էլ չկա. 30 տարվա վաղեմության գույք է, շնորհակալ եմ այդ գույքից»,- ասաց Վարդանյանը»։

Այս թեմայով Ոչ մի վայրկյան չընկրկեք, ժողովուրդ ջան, անելու ենք. Բագրատ սրբազանը՝ Կիրանցի բնակիչներին (տեսանյութ) Ոստիկանական «կոլցոն» Կիրանցում հացի ու մթերքի խնդիր է առաջացրել, մատակարարները հետ են վերադառնում (տեսանյութ) Հայկ Մարության, սևն ու սպիտակը ձեզնից է եկել, կարող ենք հանդիպել և վերացնել դա. Սրբազան (տեսանյութ) Ռուսաստանն ու Արևմուտքը վաղուց եկել են համաձայնության, որ Հայաստանի շահերը պետք է ոտնահարվեն. Արմեն Այվազյան (տեսանյութ) Վարդանյանի գործով նախաքննությունն ավարտվել է. իրար հակասող հատկանիշներով մեղադրանք է առաջադրվել. «Ժողովուրդ» ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ» Փաստորեն, նախկինները շատ բան ունեին ՔՊ-ից սովորելու. «Ժողովուրդ» Ադրբեջանից Հայաստան տրանսֆերներ կա՛մ առկա չեն, կա՛մ էական ծավալ չեն կազմում․ Կենտրոնական բանկ Ադրբեջանում Ռուբեն Վարդանյանի ապօրինի կալանքը 5 ամսով երկարաձգվեց Բաքվի դատարանը քննում է Ռուբեն Վարդանյանի ապօրինի կալանքի երկարաձգման հարցը