ՀՀ ԱԳ նախարար Արարատ Միրզոյանի և Կատարի վարչապետ, շեյխ Մուհամմադ Ալ Թանիի հանդիպմանը հատուկ ուշադրություն է դարձվել տարածաշրջանային փոխկապակցվածության հարցերի։ Պաշտոնական այցով Դոհայում գտնվող ՀՀ ԱԳ նախարարը շեյխ Մուհամմադ Ալ Թանիին ներկայացրել է Հայաստան-Ադրբեջան հարաբերությունների կարգավորման գործընթացում վերջին զարգացումները։ Միրզոյանը շեշտել է, որ Կատարի հետ հարաբերությունների զարգացման դրական դինամիկան համահունչ է արաբական աշխարհի բոլոր երկրների հետ ՀՀ ինտենսիվ զարգացող փոխգործակցությանը։
ՀՀ ԱԺ պատգամավոր Տիգրան Աբրահամյանը ֆեյսբուքյան իր էջում տեսանյութ է հրապարակել ու գրել․ «New Day լրատվամիջոցի օպերատորի և Oragir.news-ի լրագրող Անի Ներկարարյանի նկատմամբ ոստիկանության ապօրինի ու անհամաչափ գործողությունները, լավագույնս ցույց են տալիս իշխանության վերաբերմունքը լրատվամիջոցների ներկայացուցիչների և լրատվամիջոցների նկատմամբ»:
Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր Արթուր Դավթյանը Եվրոպայի առաջնությունում իր երրորդ արծաթե մեդալը նվաճելուց հետո առավել մոտիվացված է մոտենալու Փարիզի Խաղերին: «Երկրորդ ցատկս լավ չկատարեցի: Մրցումային առաջին օրը բացարձակ այլ ցատկ եմ կատարել: Եզրափակիչում իմ բարդ ցատկը կատարեցի, սակայն սխալներ կային: Գրեթե նույն սխալը կրկնվեց, ինչ որակավորման փուլում էր: Կարելի է ասել, որ հիմա ավելի մոտիվացված եմ Օլիմպիական խաղերի համար: Պարտվելուց հետո մեծ է ցանկությունը նորից հաղթել»,...
Թյուրքագետ Վարուժան Գեղամյանը գրում է․ ««Աշխատավոր դասակարգին հիմարացնելու ձևերից մեկը պացիֆիզմն ու խաղաղության աբստրակտ քարոզն են»։ Սա շատ լավ գիտակցելով՝ տարիներ անց հենց Լենինը պիտի քարոզեր խաղաղասիրություն ու պատերազմի անհապաղ ավարտ, որպեսզի կարողանար բանվորների ու գյուղացիների միջոցով գրավել իշխանությունը, որպեսզի դրանից հետո էլ սկսի նոր պատերազմ Ռուսական կայսրությունից իր պատճառով պոկված տարածքները վերադարձնելու համար։ Այսօր Հայաստանում կապիտուլիանտն ու իր խմբավորումը ժողովրդական կորցրած աջակցություն...
ՀՀ ՊՆ նախկին փոխնախարար Արտակ Զաքարյանը ֆեյսբուքյան իր էջում կիսվել է համերգի ժամանակ «Դավաճանը հող է հանձնում» գրառմամբ պաստառներով երիտասարդների բեմ բարձրանալու մասին նյութով և գրել․ «Միևնույն է, դավաճանությունը չի ներվում: Ամեն քայլափոխի, ամեն տեղ, ամեն ինչում հիշեցնում և հիշեցնելու են: Ի՞նչ է, կարծում եք խորհրդարանում, կամ գործադիր իշխանության աշխատասենյակներում, կամ ՏԻՄ-երում, կամ ՀՀ դեսպանություններում մարդիկ նույնը չե՞ն մտածում»:
«Կոչ արթնության»․ Գյումրիում Շիրակի Թեմի երիտասարդաց միության նախաձեռնությամբ բողոքի և իրազեկման ակցիա է իրականացվել։ Այս մասին հայտնում է «Տավուշը Հանուն հայրենիքի» ֆեյսբուքյան էջը։