Թուրքիայի ԱԳՆ-ն կանչել է ԱՄՆ դեսպանին՝ Իրաքում թուրք քաղաքացիների զոհվելու մասին հայտարարությունների ֆոնին

Անկարայում Միացյալ Նահանգների դեսպանը երկուշաբթի կանչվել է Թուրքիայի Արտաքին գործերի նախարարություն։ Այս մասին ՏԱՍՍ-ին հայտնել է Թուրքիայի արտաքին քաղաքական գերատեսչությունում աղբյուրը։

«Թուրքիայի ԱԳՆ է կանչվել Անկարայում ԱՄՆ դեսպան Դևիդ Սաթերֆիլդը։ Նրան է փոխանցվել այդ կապակցությամբ մեր ամենակոշտ դիրքորոշումը», - հայտնել է աղբյուրը։

Ավելի վաղ, երկուշաբթի օրը, ԱՄՆ Պետդեպարտամենտը հրապարակել էր ցավակցություններ Իրաքում Թուրքիայի 13 քաղաքացիների մահվան կապակցությամբ: Չնայած Թուրքիայի ազգային պաշտպանության նախարարության պնդմանը, թե այդ մարդիկ սպանվել են Քրդստանի աշխատավորական կուսակցության (ՔԱԿ) անդամների կողմից, Պետդեպարտամենտի հայտարարության մեջ նշվում է, որ Վաշինգտոնը «դատապարտում է այդ գործողությունները, եթե հաստատվի, որ Թուրքիայի քաղաքացիները զոհվել են ՔԱԿ-ի ձեռքից»: Ի պատասխան Թուրքիայի նախագահ Ռեջեփ Թայիփ Էրդողանը երկուշաբթի ԱՄՆ-ին մեղադրել է ՔԱԿ-ին աջակցելու մեջ, որին Անկարան համարում է ահաբեկչական կազմակերպություն։

Կիրակի օրը թուրք զինվորականները գործողություն են իրականացրել Իրաքի հյուսիսում Քրդստանի աշխատավորական կուսակցության դեմ, ինչի արդյունքում «չեզոքացրել են ՔԱԿ 48 մարտիկների»: Հանրապետության զինված ուժերը գործողության ընթացքում կորցրել են երեք զինծառայող։

Թուրքիայի զինված ուժերը պարբերաբար կետային հարվածներ են հասցնում Իրաքի ՔԱԿ-ի թիրախներին, որտեղ այդ կազմակերպությունն ունի ճամբարներ, ապաստարաններ, հրամանատարական կետեր եւ զենքով պահեստներ: Նման մերձսահմանային գործողությունների սանկցիան զինվորականներին տալիս է խորհրդարանը, որը վերջին ութ տարիների ընթացքում երկարաձգում է համապատասխան մանդատը, որը տրվում է մեկ տարով: Անկարան ՔԱԿ-ին համարում է ոչ միայն ահաբեկչական կազմակերպություն, այլեւ ազգային անվտանգության հիմնական սպառնալիքներից մեկը:

Այս թեմայով ՌԴ դեսպանատունը նոտա է հղել Թուրքիայի ԱԳՆ-ին Թուրքիայի ԱԳՆ-ն մեղադրել է միջազգային հանրությանը ցեղասպանության հարցում կողմնակալ լինելու մեջ Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը «Ժողովուրդ». 1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199 Թուրքիայում հայտարարել են, որ Իրանի վերաբերյալ տվյալներ չեն փոխանցել Իսրայելին Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբ