Թուրքիան անընդունելի պահանջ է անվանել Ռուսաստանից գնված С-400-ները չկիրառելը

Թուրքիան անընդունելի է համարում Ռուսաստանից գնված C-400 զենիթահրթիռային համակարգերը չկիրառելու մասին այլ երկրների պահանջները: Այս մասին այսօր լրագրողներին հայտնել է Թուրքիայի արտաքին գործերի նախարար Մևլյութ Չավուշօղլուն, գրում է ՏԱՍՍ-ը:

«C-400-ները 100%-ով մեր վերահսկողության տակ կլինեն: Մենք մեր տեխնիկական մասնագետներին ուղարկեցինք վերապատրաստման, և Թուրքիայում ռուս ռազմական փորձագետներ չեն լինի: Այդպիսով այլ երկրների պահանջները՝ «չօգտագործել» դրանք, անընդունելի են»,- Չավուշօղլուի խոսքերը մեջբերում է TRT հեռուստաալիքը:

Մինչդեռ մայիսի 28-ին ԱՄՆ պետքարտուղարի տեղակալ Ուենդի Շերմանը CNN Türk-ին տված հարցազրույցում ասել էր, որ ԱՄՆ-ը Թուրքիային այլընտրանք է ներկայացրել Անկարայի կողմից ռուսական С-400 զենիթահրթիռային համակարգերի ձեռքբերմանը: Այնուամենայնիվ, նա չէր մանրամասնել, թե ինչ այլընտրանքի մասին է խոսքը:

Ռուսաստանն ու Թուրքիան պայմանագիր են կնքել 2017-ին Մոսկվայի կողմից Անկարային C-400 հակաօդային պաշտպանության համակարգեր մատակարարելու համար: Անկարայի որոշումը խիստ բացասական արձագանք առաջացրեց ԱՄՆ-ի և ընդհանուր առմամբ ՆԱՏՕ-ի կողմից: ԱՄՆ-ը չի դադարում փորձել ստիպել Թուրքիային հրաժարվել ռուսական հակաօդային պաշտպանական համակարգերից:

Այս թեմայով ՌԴ դեսպանատունը նոտա է հղել Թուրքիայի ԱԳՆ-ին Թուրքիայի ԱԳՆ-ն մեղադրել է միջազգային հանրությանը ցեղասպանության հարցում կողմնակալ լինելու մեջ Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը «Ժողովուրդ». 1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199 Թուրքիայում հայտարարել են, որ Իրանի վերաբերյալ տվյալներ չեն փոխանցել Իսրայելին Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբ