Արթուր Ղազինյանը չորրորդ անգամ չընտրվեց ԱԺ պաշտպանության հարցերով հանձնաժողովի նախագահի տեղակալ

Ընդդիմադիր «Հայաստան» խմբակցության պատգամավոր Արթուր Ղազինյանը չորրորդ անգամ չընտրվեց ՀՀ ազգային ժողովի պաշտպանության և անվտանգության հարցերի հանձնաժողովի նախագահի տեղակալ. Ղազինյանը լքել էր հանձնաժողովի նիստը, որի օրակարգում նախագահի տեղակալի ընտրության հարցն էր: Ղազինյանը չընտրվեց հանձնաժողովի՝ սեպտեմբերի 22-ի արտահերթ նիստում:

«Երեք անգամ արդեն ներկայացվել է թեկնածու: Հետևաբար ես որևէ նոր ասելու բան չունեմ: Ձեզ է պատկանում պատասխանատվությունը, հետևաբար դուք ձեր որոշումը կայացրեք և հրապարակեք: Ես դուրս եմ գալիս»,-ասաց Ղազինյանն ու լքեց հանձնաժողովի նիստերի սրահը:

Հանձնաժողովի նախագահ Անդրանիկ Քոչարյանը հետաքրքրվեց՝ ո՞ւր է գնում պատգամավորը: «Կարող է ձեզ հարցեր ունեն: Հանձնաժողովների անդամներին պետք է պատասխանեք»,-ասաց նա:

Նա դիմելով ընդդիմադիր «Պատիվ ունեմ»-ից Տիգրան Աբրահամյանին՝ ասաց. «Անընդհատ նույն թեկնածուին բերել, որի հետ չպարզաբանված հարցեր են ծնվում, թեկնածուն դուռը շրխկացնելով դուրս է գալիս, որպես ի՞նչ: Կամ բերեք նոր թեկնածու կամ մենք հավերժ այս օրակարգով դատապարտված են արտահերթ նիստ անել 5 տարի: Եթե ընդդիմությունն իր մեջ չի կարողանում գտնել ևս մեկ թեկնածուի, ստացվում է՝ դուք պարոն Ղազինյանի գերի՞ն եք, ձեզ ազատագրե՞նք, ի՞նչ անենք»,-ասաց Քոչարյանն ու հավելեց՝ օրակարգի այդ հարցը պարտավոր են քննարկել անգամ Ղազինյանի բացակայությամբ:

Աբրահամյանն էլ արձագանքեց. «Ինձ թվում է՝ երեք արտահերթ նիստերը արդեն հնարավորություն էին՝ գոհ կամ ոչ գոհ լինելու: Օրակարգի այս մասով ինքս ասելիք չունեմ: Իմ դիրքորոշումն արդեն ձևակերպել եմ, այս պարագայում բնականաբար իմաստ չեմ տեսնում մասնակցելու այս քննարկումներին»:

Ինչ վերաբերում է ընդդիմության առաջադրած թեկնածուին՝ նա ասաց, որ ընդդիմադիր ուժերն այս մասով արդեն քաղաքական որոշում կայացրել են: «Դրա հիման վրա էր Արթուր Ղազինյանը առաջադրվել արդեն չորրորդ անգամ: Այս պարագայում բնականաբար քայլը, որոշումը ձերն է: Եվ, եթե դուք այս անգամ ևս անհրաժեշտ չեք համարում քվեարկել նրա օգտին, դա ձեր իրավունքն է»,-ասաց Աբրահամյանն ու ևս լքեց նիստը:

Հանձնաժողովի նիստում մնացին միայն իշխանական պատգամավորները: Քոչարյանն առաջարկեց ընդդիմությանը բերել այլ թեկնածու:

«Այսօր ստացվեց, որ ամենազբաղվածն ինքն էր, մենք էլ պարապ էինք: Ես էլ քաղաքական բոյկոտ եմ հայտարարում, ինձ որևէ մեկը չի կարող որևէ բան ստիպել: Քանի կբերվի Ղազինյանի թեկնածությունը, ես չեմ մասնակցի քվեարկություններին և առհասարակ նիստերին»,-ասաց Քրիստինե Պողոսյանը:

ՔՊ-ից Վիլեն Գաբրիելյանն էլ ասաց, որ չի պարտադրում «Հայաստան»-ին բերել այլ թեկնածու,բայց իրեն ոչ ոք չի կարող պարտադրել ընտրելու կոնկրետ թեկնածուի, ինքը ընտրում է իր խղճով և համոզմունքով: Վահագն Ալեքսանյանն էլ նշեց, որ հետաքրքիր հարցեր ուներ Ղազինյանին, սակայն զրկված է այդ հնարավորությունից:

Նիստը ընդմիջվեց 10 րոպեով, որից հետո քվեարկություն եղավ, որին մասնակցում էին միայն իշխանական պատգամավորները, այսպիսով` Ղազինյանը չորրորդ անգամ ևս չընտրվեց հանձնաժողովի նախագահի տեղակալի պաշտոնում:

Այս թեմայով Բոլորն ուրախացել են, որ Արցախի գազի մատակարարումը վերականգնվել է, բայց քչերն են հիշում, որ այդ գազը 30 տարի չէր ընդհատվել Այն ազգը, որ կարող է հրաժարվել իր 120.000 հայրենակիցներից, ազգ կոչվելու իրավունք չունի. Ղազինյան «Բոլորս հիշում ենք՝ աղետի գոտի ժամանած Գորբաչովին ինչպես դիմավորեցին երկրաշարժի գոտում ապրող հայերը» «Հայաստան» և «Պատիվ ունեմ» դաշինքներն այլևս գոյություն չունեն․ Արթուր Ղազինյան Նոյեմբերի 5-ին ես իմ բողոքն ու անհամաձայնությունն եմ հայտնելու ստորացմանն ու նվաստացմանը․ Ղազինյան Ռուս-թուրքական իրավիճակային դաշինքն առաջիկա ամիսներին կավարտվի, ինչը կստեղծի լրջագույն վտանգներ. Ղազինյան Պետք է ձևավորել իշխանության այլընտրանքային պրոֆեսիոնալ համակարգ․ Ղազինյան Արթուր Ղազինյանը դադարեցնում է քաղաքական գործունեությունը «Ի՞նչ է կատարվում և ի՞նչ պետք է անել»․ Արթուր Ղազինյան «Ճիշտ է արել, 100 մլն-ի պայմանագիր էլ պետք է կնքել Իրանի հետ՝ հարվածային ԱԹՍ ձեռք բերելու համար»