Թուրքիայի անվտանգության խորհուրդը «շանս» է տվել Հայաստանին

«Հայաստանը պետք է օգտվի խաղաղության հաստատման այս շանսից, լիովին պահպանի հրադադարը և համագործակցի»,- այս մասին ասվում է Թուրքիայի Ազգային անվտանգության խորհրդի նիստի արդյունքներով հայտարարության մեջ, որն անցկացվել է Անկարայում՝ նախագահ Ռեջեփ Թայիփ Էրդողանի նախագահությամբ, հաղորդում է Anadolu գործակալությունը։

«Հայաստանին անհրաժեշտ է որպես շանս գնահատել իրեն մեկնած խաղաղության ձեռքը, լիովին պահպանել հրադադարի ռեժիմը և ցուցաբերել նվիրվածություն համագործակցությանը»,- մասնավորապես ասված է հայտարարությունում։

Հաղորդագրության համաձայն՝ հանդիպման ընթացքում Թուրքիայի Անվտանգության խորհուրդը քննարկել է այն մարտահրավերներն ու սպառնալիքները, որոնց բախվել և կարող է ապագայում բախվել երկիրը՝ իր նպատակներին համապատասխան տնտեսական քաղաքականության իրականացման գործընթացում։

Նշվել է, որ Անկարան հանդես է գալիս Թուրքիայի հյուսիսային հարեւանների միջեւ առկա տարաձայնությունները միջազգային իրավունքի շրջանակներում լուծելու եւ նրանց տարածքային ամբողջականության հարգման օգտին։

Թուրքիայի ԱԱԾ-ն կոչ է արել խուսափել միակողմանի քայլերից, որպեսզի Լիբիայում ընտրություններն անցնեն օրինական և խաղաղ մթնոլորտում։

Հռչակագիրը նաև կոչ է անում միջազգային հանրությանը դիմակայել այն ուժերին, որոնք փորձում են օգտագործել Լիբիայի ընտրական գործընթացը ի շահ իրենց։

Հիշեցնենք, որ մայիսի 12-ից ի վեր Ադրբեջանն օկուպացրել է Հայաստանի Հանրապետության 41 քառ․ կմ տարածք և պարբերաբար խախտում է հրադադարի ռեժիմը:

Այս թեմայով ՌԴ դեսպանատունը նոտա է հղել Թուրքիայի ԱԳՆ-ին Թուրքիայի ԱԳՆ-ն մեղադրել է միջազգային հանրությանը ցեղասպանության հարցում կողմնակալ լինելու մեջ Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը «Ժողովուրդ». 1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199 Թուրքիայում հայտարարել են, որ Իրանի վերաբերյալ տվյալներ չեն փոխանցել Իսրայելին Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբ