Ես ինձ անպարտելի էի զգում. Ջենիֆեր Լոպես

Ջենիֆեր Լոպեսն իր OnTheJLo կայքում գրառում է հրապարակել և պատմել, թե ինչպես է հոգեբանական խնդիրների առաջ կանգնել գերծանրաբեռնվածության պատճառով։ Երգչուհին պատմել է, որ իր կարիերայի հենց սկզբում կենտրոնացած է եղել աշխատանքի վրա և նույնիսկ դեպրեսիայի է հասցրել իրեն։

«Իմ կյանքում կար մի պահ, երբ ես քնում էի երեքից հինգ ժամ: Ամբողջ օրն անցկացնում էի նկարահանման հրապարակում և ամբողջ գիշեր՝ ստուդիայում, իսկ հանգստյան օրերին խնջույքներ էի կազմակերպում և տեսահոլովակներ նկարահանում: Մոտ 20 տարեկան էի, ու ինձ թվում էր, թե անպարտելի եմ»,֊գրել է երգչուհին։

Չափազանց ծանրաբեռնվածության պատճառով՝ նա մի անգամ իրեն վատ է զգացել, անգամ ստիպված է եղել հիվանդանոց գնալ։

«Մի օր հանկարծ քնի պակասը և մշտական ​​սթրեսը իրենց զգացնել տվեցին: Ես խուճապի ուժեղ նոպա ունեցա, սակայն հստակ չգիտեի, թե դա ինչպես է կոչվում։ Նստեցի ու չէի կարողանում շարժվել, աչքերս առջև մթնեց։ Իմ թիկնապահ անմիջապես ինձ տարավ բժշկի։ Երբ հասանք հիվանդանոց, ես նոր կարողացա խոսել և շատ էի վախեցել։ Ինձ թվում էր, թե խելագարվում եմ»,֊ասել է Լոպեսը։

Այժմ Լոպեսը նշում է, որ այն ժամանակ նա շատ քիչ էր մտածում իր առողջության մասին, սակայն ավելի ուշ հասկացավ, որ պետք է փոխի իր ապրելակերպը։

«Այդ ժամանակ ես լիովին անտեղյակ էի իմ կարիքների մասին և անտեսում էի մարմնիս ազդանշանները։ Բայց այս դեպքից հետո ես սկսեցի իմ ճանապարհորդությունը դեպի առողջ կենսաերպ»,֊ասել է Լոպեսը:

Նա սկսել է քնել օրական յոթ ժամից ավելի, հրաժարվել է կոֆեինից և սկսել ամեն օր մարզվել։

Ավելի վաղ Ջենիֆեր Լոպեսը պատմել էր, թե մանկության տարիներին ինչպիսի հարաբերություններ է ունեցել մոր հետ։ Երգչուհին խոստովանել էր, որ մայրը «բոլոր անհեթեթ մտքերը դուրս է հանել իր միջից»։

Այս թեմայով Ջենիֆեր Լոպեսը Քիմ Քարդաշյանի հետ լուսանկարներ է հրապարակել Ջենիֆեր Լոպեսի նախկին նշանածը հաստատել է, որ նոր սիրավեպ ունի 53-ամյա Ջենիֆեր Լոպեսը բացահայտել է իր երիտասարդության գաղտնիքը Բեն Աֆլեքը նախկին կնոջը հրավիրել է իր ու Ջենիֆեր Լոպեսի հարսանիքին Ջենիֆեր Լոպեսն ու Բեն Աֆլեքը իրենց երեխաների հետ Փարիզում են (լուսանկարներ) Քահանան բացահայտել է Լաս Վեգասում Ջենիֆեր Լոպեսի և Բեն Աֆլեքի հարսանիքի մանրամասները Ջենիֆեր Լոպեսն ու Բեն Աֆլեքը պատրաստվում են մեծ հարսանեկան տոնակատարություն կազմակերպել «Բենիֆեր»․ Ջենիֆեր Լոպեսն ու Բեն Աֆլեքն ամուսնացել են Լաս Վեգասում (լուսանկարներ) Բեն Աֆլեքը սիրահարների օրը հուզիչ անակնկալ է մատուցել Ջենիֆեր Լոպեսին (տեսանյութ) Ջենիֆեր Լոպեսը զարմացրել է երկրպագուներին անսպասելի կերպարով (լուսանկարներ)