Ռուսաստանից Իրան սվոպ մատակարարումների շրջանակներում գազը կարող է գալ նաև Հայաստան

Ռուսաստան-Իրան սվոպ մատակարարումների շրջանակներում գազը կարող է գնալ Ադրբեջան, Հայաստան, Թուրքիա, Իրաք, Պակիստան և իրանական հարավ՝ Պարսից ծոցի երկրներ արտահանելու համար, ասել է Իրանի նավթի փոխնախարար Ասադզադեն։

«Բանակցությունները տեղի են ունեցել, կողմերը փոխանակվել են պայմանագրերով, կան միայն իրականացման հետ կապված որոշ խնդիրներ, որոնք շուտով կլուծվեն, և, հուսով եմ, կկարողանանք գազ ստանալ Ռուսաստանից մեր երկրի հյուսիսային հատվածով։ Այնուհետև այդ գազը փոխանակման միջոցով կարող է ուղարկվել տարածաշրջանի այլ երկրներ, օրինակ՝ Ադրբեջան, Հայաստան, Թուրքիա, Իրաք, ինչպես նաև կարող է գնալ Իրանի հարավ՝ արտահանելու Պարսից ծոցի երկրներ, որոնք գազի կարիք ունեն, և երկրի արևելք՝ այնպիսի երկրներ, ինչպիսիք են Պակիստանը և այլն»,- ասել է Ասադզադեն։

Նա նշել է, որ այս ոլորտում Իրանը կարող է առաջարկել Ռուսաստանի Դաշնության հետ աշխատանքի տարբեր մոդելներ՝ սվոպ, առևտուր կամ տարանցում։

«Մենք ձգտում ենք, որ դա տեղի ունենա որքան հնարավոր է շուտ: Ներկա պահին պոտենցիալ ծավալը, որը կարող ենք ստանալ միայն մեր երկրի հյուսիսային սահմաններով, կազմում է օրական մոտ 50 միլիոն խորանարդ մետր գազ»,- ասել է Իրանի նավթի փոխնախարարը:

Նովակն ավելի վաղ ասել էր, որ առաջին փուլում Իրանի հետ սվոպ համաձայնագիրը կարող է ներառել տարեկան 5 միլիոն տոննա նավթ և մինչև 10 միլիարդ խորանարդ մետր գազ: Ռուսաստանը ակնկալում է համաձայնագիրը ստորագրել մինչև տարեվերջ։

Այս թեմայով Թուրքիան Իրան է ուղարկել ավելի քան 30 լեռնագնացից բաղկացած որոնողափրկարարական թիմ Ադրբեջանը և Իրանը քննարկել են ռազմական համագործակցության զարգացման հեռանկարները Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով