Քոչարի փողոցում Range Rover-ով մահացու վրաերթի էին ենթարկել և փախել. 3 կասկածյալները հայտնաբերվել են

Ապրիլի 1-ին ՀՀ ՆԳՆ Ոստիկանության Կենտրոնական բաժնում օպերատիվ տեղեկություններ են ստացվել, որ Range Rover մակնիշի ավտոմեքենան, որը գտնվում է հետախուզման մեջ, Երևանի Արաբկիր վարչական շրջանում է գտնվում, գրում է shamshyan.com-ը:

Իրավապահները մշակում են հատուկ օպերացիա ու Գրիբոյեդով փողոցում հայտնաբերում են նշված ավտոմեքենան, որով տեղի է ունեցել ապրիլի 1-ին Երևանի Երվանդ Քոչար փողոցում մահվան ելքով վրաերթը։ Վարորդը հետիոտնին վրաերթի ենթարկելուց հետո դիմել էր փասխուստի։

Երբ Կենտրոնի ոստիկաններն ու Երևանի գնդի 3-րդ գումարտակի պարեկները հայտնաբերել ու վնասազերծել են նշված ավտոմեքենան, մեքենայում եղել են Երևանի բնակիչներ 36-ամյա Տիգրան Ավագյանը, 28-ամյա Արշակ Խաչատրյանն ու Սյունիքի մարզի բնակիչ 29-ամյա Սարգիս Արամյանը։ 

Մահվան ելքով վրաերթի և դեպքի վայրը լքելու փաստով նախաձեռնվել է քրեական վարույթ։ Ոստիկանությունն ու քննչական բաժինը պարզում են, թե նշված անձանցից ով է վրաերթի ժամանակ վարել ավտոմեքենան։ 

Ապրիլի 1-ին մահվան ելքով վրաերթ է տեղի ունեցել Երևանում: Ժամը 03:40-ի սահմանում՝ Երվանդ Քոչար փողոցի 5/2 հասցեի դիմացի հատվածում, դեռևս ինքնությունը չպարզված վարորդը՝ իր վարած անհայտ մակնիշի և համարանիշի ավտոմեքենայով վրաերթի է ենթարկել տղամարդ հետիոտնին։

Վարորդը դեպքի վայրից դիմել է փախուստի, իսկ վրաերթի ենթարկվածը Երևանի 1-03 շտապօգնության բժիշկների կողմից նախ տեղում առաջին բուժօգնությունն է ստացել, ապա տեղափոխվել Հերացու անվան թիվ 1 համալսարանական հիվանդանոց:

Վրաերթի ենթարկվածը Գեղարքունիքի մարզի բնակիչ, 51-ամյա Կարեն Խաչատրյանն է: Ժամը 05:30-ի սահմանում Հերացու անվան թիվ 1 համալսարանական հիվանդանոցից ոստիկանության կենտրոնական բաժին ահազանգ է ստացվել, որ վրաերթի ենթարկվածը, վերակենդանացման բաժանմունքում գիտակցության չգալով, մահացել է:

Այս թեմայով «Բերդկունք» ամրոցի պարսպապատից դուրս հայտնաբերվել է 13-րդ դարի նետասլաք, կավանոթների բեկորներ Աբովյան քաղաքում մարզադաշտի հարևանությամբ հայտնաբերվել է տղամարդու այրված դի Մեր անչափահաս տղաներից մեկին բերման են ենթարկել ու ասել՝ ծնողներից կզրկենք քեզ. Բագրատ Սրբազան Սյունիքի Տաշտուն գյուղի կորած բնակիչը անվնաս հայտնաբերվել է Կիսակառույց շինության տարածքում հայտնաբերվել է տղամարդու մարմին ՀԻՄԱ. իրավիճակը Կիրանցում պայթյունավտանգ է. բնակիչները կրկին փողոցում են Եկեղեցու այգում թողնված նորածինը տեղափոխվել է մանկատուն (տեսանյութ) Լարված իրավիճակ. «Ինչի՞ համար եք բերման ենթարկել մարդկանց», «Կասենք, պետք չի բարձր գոռալ» (տեսանյութ) Ոստիկանությունը սկսեց մարդկաց բերման ենթարկել բիրտ ուժի կիրառմամբ (տեսանյութ) Նորածին երեխային եկեղեցու բակում լքած մայրը հայտնաբերվել է