Եղիշե Չարենցի տուն-թանգարանի շենքի տանիքին կառուցված ձեղնահարկն ապամոնտաժվում է

Արամի 60 հասցեում մեկնարկել է Եղիշե Չարենցի տուն-թանգարանի շենքի տանիքին կառուցված ձեղնահարկի ապամոնտաժումը: 
Հունիսի 4-ին Երևանի քաղաքապետարանի քաղաքաշինության և հողի վերահսկողության վարչությունը կազմել էր արձանագրություն, շենքը սպասարկող համատիրությունն էլ դիմել էր Արդարադատության նախարարության փորձագիտական կենտրոն: Աշխատանքային հերթական խորհրդակցության ժամանակ զեկուցվել է, որ փորձաքննությամբ տրամադրվել է եզրակացություն՝ տվյալ շինությունը կառուցված է առանց քաղաքաշինական նորմերի պահպանման ու հանրային վտանգ է պարունակում: Հաշվի առնելով եզրակացությունը՝ համատիրությունը սկսել է ապամոնտաժման գործընթացը և դիմել է համայնքին՝ աջակցության համար:
Ի դեպ, միայն օգոստոսի ընթացքում 31 կառույց է քանդվել, որոնցից 8-ը՝ բենզալցակայան (Կենտրոն, Արաբկիր և Աջափնյակ վարչական շրջաններում): 

***

Համայնքը ներմուծել է առաջին էլեկտրական ավտոբուսը, որը շուտով կփորձակեն մայրաքաղաքում: Երևանի քաղաքապետարանն առաջիկայում կհայտարարի համապատասխան մրցույթ՝ 250 այդպիսի շարժակազմ ձեռք բերելու համար. «Հայգեր» մակնիշի ավտոբուսները կփոխարինվեն էլեկտրականներով: 
«Ամենակարևորը՝ մենք շարունակում ենք «կանաչ» տրանսպորտ ներմուծել, որը օդի որակի բարելավման տեսանկյունից ամենկարևոր հանձնառություններից մեկն է: Մենք ճիշտ ուղու վրա ենք, Երևանում պետք է խստորեն հետևենք օդի որակին. բացի այն, որ չափորոշիչներ ենք սահամենլ և պահանջներ ենք ներկայացնում մասնավորին, նաև մենք պետք է հստակ քայլեր ձեռնարկենք»,- ընդգծել է Տիգրան Ավինյանը: 

***
85 տարի առաջ մայրաքաղաքում տեղադրված «Կժով աղջիկը» քանդակն ամբողջությամբ վերականգնվել է: Նախագծով բարեկարգվել է նաև հուշարձանի հարակից տարածքը: 

«Պատմական այն ժառանգությունը, որն ունի Երևանը, մեր ուշադրության կարիքն է զգում: Եվ, եթե տասնամյակներով այլ քաղաքականություն է վարվել, ապա դա չի նշանակում, որ 180 աստիճանով չպետք է փոխենք հիմա: Մենք շատ զգույշ պետք է վերաբերվենք այդպիսի արձաններին, մեր հուշարձան-շենքերին: Առհասարակ Երևանի պատմական ժառանգությանը պետք է վերաբերվել որպես սրբության»,- նշել է փոխքաղաքապետը:  
***
Անհրաժեշտ ենթակառուցվածքներ ստեղծելու նպատակով այս տարի պատասխանատու ընկերությունները Երևանում աննախադեպ ծավալի ներդրումային ծրագրեր են իրագործում: Կարևորելով նախագծերի կյանքի կոչումը՝ փոխքաղաքապետ Ավինյանն ընդգծել է նաև աշխատանքների ժամանակ համապատասխան շինհրապարակների ճիշտ ձևավորման ու անվտանգությունն ապահովելու կարևորությունը: 

***
Երևանյան շենքերի վրա կտեղադրվեն հասցեները հուշող հատուկ ցուցանակներ: Առաջին փուլով ընտրվել է 2013-2023թթ. ընթացքում ավագանու կողմից անվանակոչված 62 փողոց: Այս պահին 131 ցուցանակի տեղադրումն  ընթացքում է Գործընթացը կլինի շարունակական: 

***
Երևանի քաղաքապետարանի նախաձեռնությամբ սեպտեմբերի 12-ին, 13-ին, 14-ին և 15-ին Թումոյի այգում կանցկացվի «Օպերա բաց երկնքի տակ» բացառիկ  ծրագիրը: Հարկ է նշել, որ սեպտեմբերի 15-ին նախատեսված «Օպերա գալա» ծրագիրը 20:00-ի փոխարեն կկայան 21:00-ին՝ արտերկրից հրավիրված արտիստների՝ Երևան ժամանելու չվերթերով պայմանավորված: 

Այս թեմայով Երևանի Կողբացի փողոցի 36/3 հասցեում կառուցված համալիրից 235,8 քմ մակերեսով տարածքի սեփականության իրավունքը փոխանցվեց Հայաստանի Հանրապետությանը ԱԳՆ-ում հավաքված են տուն պահող, հնազանդ դիվանագետներ, ոչնացնում են ամեն ինչ. Մելքոնյան Օկուպացված Ստեփանակերտում գտնվող խորհրդարանի շենքի տեղում հսկայական խառնարան է առաջացել (տեսանյութ) Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա Էդ մի փոքր հողը Հայաստանի լինել չլինելու հարցն է. Չարենցի փողոցը փակած քաղաքացի (տեսանյութ) Ոստիկանությունը անհամաչափ ուժ կիրառելով բերման ենթարկեց Չարենցի փողոցը փակած քաղաքացիներին (տեսանյութ) «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ» Եվրոպական դատարանը երբեք չի վճռել, որ Հայաստանն օկուպացրել է ԼՂ-ը. Եղիշե Կիրակոսյան Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Հավաքվում ենք ժամը 12:00-ին կառավարության շենքի մոտ. Վահագն Չախալյան