Արևմուտքը հանդիսանում է «Զանգեզուրի միջանցքի» բացման գլխավոր շահառուն

Նոյեմբերի 9-ի հայտարարության մեջ «Զանգեզուրի միջանցքի» մասին խոսք չկա, այսօր հայտարարել է ՌԴ ԱԳՆ ղեկավար Սերգեյ Լավրովը՝ փաստացի հերքելով այդ մասին արդեն երեք տարի Բաքվից հնչող հայտարարությունները։ Լավրովը նաև պնդել է, թե պատերազմից հետո Հայաստանի, Ադրբեջանի ու Ռուսաստանի առաջնորդները եռակողմ հանդիպումներում քննարկել ու անգամ համաձայնեցրել են հաղորդակցության ուղիների բացման չափորոշիչները: ՌԴ ԱԳՆ ղեկավարը նաև ենթադրել է, թե այդ պայմանավորվածությունների կատարմանը, հավանաբար, Արևմուտքն է խանգարել, որն, ըստ Լավրովի, ուզում է Ռուսաստանին դուրս մղել Հարավային Կովկասից։

ՌԴ ԱԳՆ ղեկավարի այս հայտարարությունը ևս մեկ անգամ հաստատում է այն փաստը, որ այսպես կոչված՝ «Զանգեզուրի միջանցքի» բացման գլխավոր շահառուն Արևմուտքն է, և ոչ թե ՌԴ-ն: Ինչպես և կարելի էր ենթադրել՝ Հայաստանի հաշվին Արևմուտքը ցանկանում է իրացնել իր էներգետիկ շահերը: Լրացուցիչ ծավալների համար Եվրոպային անհրաժեշտ են նոր երթուղիներ Կասպից ծովի տարածաշրջանից բնական գազի և այլ ածխաջրածինների մատակարարման համար: Եվ այս առումով Հայաստանի  Սյունիքի մարզն սկսում է շատ կարևոր նշանակություն ձեռք բերել Արևմուտքի համար։ Եվ հենց դա է պատճառը, որ Արեւմուտքը պահանջում է խաղաղության պայմանագրում ֆիքսել միջանցքը՝ այն էլ առանց ռուսական կողմի վերահսկողության: Ռուսաստանը շրջանցող  «հարավային միջանցքի» որոնումը նորություն չէ Արևմուտքի համար, սակայն համաշխարհային աշխարհաքաղաքականության ներկայիս վիճակը թելադրում է հրատապության նոր մակարդակ և բնական է, որ Արևմուտքը շտապում է Փաշինյանին դրդել օր առաջ իր քավորությամբ խաղաղության պայմանագիր կնքել՝ հայ ժողովրդի կենսական շահերի հաշվին: Ի դեպ, Արևմուտքը արդեն չի էլ թաքցնում իր իրական նպատակները: Այսպես, ամիսներ առաջ The National Interest ամսագիրը հրապարակել էր ամերիկյան արտաքին քաղաքականության հետազոտությունների ինստիտուտի ավագ գիտաշխատող Սթիվեն Բլանկի հոդվածը, որտեղ  հետևյալ միտքն էր արտահայտվում՝ «Հիմա ժամանակն է, որ Հայաստանը որոշի, թե արդյոք ինքն Արեւմուտքի բարեկամն է, ինչպես հաստատակամորեն պնդում է, թե ոչ։ Եթե այո, ապա նա պետք է վերսկսի խաղաղության բանակցություններն Ադրբեջանի հետ եւ օգնի բացել «Զանգեզուրի միջանցքը»»: Ինչպես տեսնում ենք՝ իրական շահառուներն սկսել են բաց խաղալ...

Այս թեմայով Մինչև միջանցք տալը՝ կանվանափոխեն Երևանի թաղամասերի անունները․ ՔՊ-ն մրցույթ կհայտարարի «Զանգեզուրի միջանցքը» եղել և մնում է օրակարգում. Արմեն Ռուստամյան Թուրք-ադրբեջանական տանդեմն սկսել է իրագործել «Զանգեզուրի միջանցքի» բացման «պլան Բ-ն» Տարածաշրջանի մյուս երկրներից ակնկալում ենք աջակցություն «Զանգեզուրի միջանցքի» նախագծին. Ֆիդան Հնդկաստանը, ռազմավարական արտահանումների համար, օդային միջանցք է ստեղծում դեպի Հայաստան. IADN ԵՄ-ն, ԱՄՆ-ն և ԱՄԷ-ն ծովային մարդասիրական միջանցք կգործարկեն դեպի Գազայի հատված. Ֆոն դեր Լայեն Խաղաղության պայմանագրում Նախիջևանով «միջանցք» պետք է նախատեսել ապրանքների տեղափոխման համար․ Կլաար (տեսանյութ) «ԳեոՊրոՄայնինգ»-ը չի հանդիսացել և չի հանդիսանում «Զանգեզուրի պղնձամոլիբդենային կոմբինատ»-ի բաժնետեր. հայտարարություն Ադրբեջանը ՌԴ դրդմամբ փորձում է ապակայունացնել իրավիճակը, վարկաբեկել ԵՄ-ն ու միջանցք պարտադրել. Արամ Սարգսյան Աշխարհաքաղաքական ուժերի պայքարը «Զանգեզուրի միջանցքի» համար սրվում է