ՀՀ-ում նախորդ տարվա ապրիլի համեմատ 24 թվականի նույն ժամանակահատվածում սննդամթերքն ավելի էժան է եղել

Հայաստանում սննդամթերքի և ոչ ոգելից խմիչքների գներն այս տարվա ապրիլին 4.5 տոկոսով ցածր են եղել մեկամյա վաղեմության ցուցանիշից, սակայն ընթացիկ տարվա մարտի համեմատ գրանցվել է 1.4% գնաճ: Այս մասին տեղեկություն է ներկայացրել ՀՀ վիճակագրական կոմիտեն։

Դիտարկված բնակավայրերում տվյալ ապրանքների գները ապրիլին մարտի համեմատ աճել են 0.5-2.6 տոկոսով: Գնաճի ամենաբարձր ցուցանիշը գրանցվել է Կապանում: Երևանում դրանք թանկացել են 1.1 տոկոսով:

Ապրիլին, անցյալ տարվա նույն ամսվա համեմատ, հնդկաձավարն էժանացել է 18.9, ոլոռը՝ 11.4, մակարոնեղենը՝ 11, ոսպը՝ 4.3, լոբին՝ 2.5, բրինձը՝ 1.5 տոկոսով: Մարտի համեմատ ապրիլին նշված սննդամթերքները թանկացել են համապատասխանաբար 0.7, 0.2, 0.3, 4, 0.3 և 0.1 տոկոսով:

Իշխան տեսակի ձուկը ապրիլին նախորդ տարվա նույն ամսվա համեմատ էժանացել է 7.5, իսկ թեյը՝ 1.1 տոկոսով: Այս տարվա մարտի համեմատ նշված ապրանքատեսակները թանկացել են համապատասխանաբար 0.2 և 0.1 տոկոսով:

Այս տարվա ապրիլին 2023-ի նույն ամսվա համեմատ գառան մսի արժեքն աճել է 0.8, իսկ սուրճինը՝ 3.3 տոկոսով, 2024-ի մարտի համեմատ՝ 0.6 և 1.4 տոկոսով:

Նախորդ տարվա ապրիլի համեմատ այս տարվա նույն ամսին ոգելից խմիչքների գներն աճել են 6.9, իսկ ծխախոտային արտադրատեսակներինը՝ 7.6 տոկոսով: Այս տարվա մարտի համեմատ դրանց գնաճը կազմել է համապատասխանաբար 0.2 և 0.6 տոկոս:

Ապրիլին շոկոլադը և կակաոն վաճառվել են համապատասխանաբար 4.6 և 3.8 տոկոսով էժան, քան անցյալ տարվա նույն ամսին: Սակայն, այս տարվա մարտի համեմատ դրանց արժեքը բարձրացել է 0.4 ու 0.9 տոկոսով:

Այս տարվա ապրիլին ալյուրը մեկամյա կտրվածքով էժանացել է 11.8, հաճարը՝ 7.9, ձավարը՝ 7.4, բլղուրը՝ 6.1, մարգարինը՝ 21.9, պանիրը՝ 8.2, կարագը՝ 8.1 տոկոսով: 2024-ի մարտի համեմատ այդ ապրանքների արժեքը նվազել է համապատասխանաբար 0.4, 1.3, 0.7, 1.7, 1.7, 1.1 և 1.1 տոկոսով:

Ապրիլին, նախորդ տարվա նույն ամսվա համեմատ, թռչնամսի գինը նվազել է 4.4, իսկ տավարի մսինը՝ 2.5 տոկոսով: Մարտի համեմատ դրանց գնանկումը համապատասխանաբար 0.8 և 1 տոկոս է:

Փոխարենը, ձուն այս տարվա ապրիլին 2.8 տոկոսով թանկ էր, քան մեկ տարի առաջ: Ճիշտ է, մարտին այդ մթերքն էժանացել է 2.2 տոկոսով: Նմանապես ապրիլին անցյալ տարվա նույն ամսվա համեմատ թարմ կաթի գինն աճել է 0.7, իսկ խոզի մսինը՝ 0.8 տոկոսով: Այս տարվա մարտի համեմատ դրանք էժանացել են համապատասխանաբար 0.6 և 1 տոկոսով:

Արևածաղկի յուղը 2023 թվականի ապրիլի համեմատ էժանացել է 20.8, իսկ այս տարվա մարտի համեմատ՝ 1.8 տոկոսով:

Շաքարը և շաքարավազը 2023-ի ապրիլի համեմատ էժանացել են 3.2 տոկոսով, այս տարվա մարտի համեմատ դրանց գինը մնացել է անփոփոխ:

Բանջարեղենը և միրգը նախորդ տարվա ապրիլի համեմատ եղել են համապատասխանաբար 8.2 ու 5 տոկոսով մատչելի, սակայն այս տարվա մարտի համեմատ թանկացել են 9.2 և 3.8 տոկոսով: Հատկանշական է, որ այս տարվա մարտի համեմատ մրգի և բանջարեղենի ապրանքախմբերի միջին կշռված գնաճը կազմել է 7.12 տոկոս: Այդ ապրանքախմբերը սպառողական զամբյուղում ունենալով 9.04% տեսակարար կշիռ՝ նշված ժամանակահատվածում 0.65 տոկոսային կետով նպաստել են սպառողական գների ընդհանուր մակարդակի աճին:

Այս թեմայով Հեղեղումներ Բրազիլիայում. ավելի քան 150 մարդ է մահացել Այդ 25 հեկտար հողերը միշտ եղել են Հայաստանի վերահսկողության ներքո. Կիրանցի բնակիչ ՔՊ-ն օրակարգ չունի Բագրատ Սրբազանի հետ հանդիպելու, հանդիպման առաջարկ էլ չի եղել (տեսանյութ) Հիմար եք դուք… էսպիսի նկարներ ես էլ ցույց կտամ՝ Նոր տարվա խնջույք է, ձեր «տժժացող» նկարները դրեք (տեսանյութ) Հաստատվել են 2024/2025 ուսումնական տարվա ասպիրանտուրա ընդունելության տեղերը Ադրբեջանական կողմը հակված է շարունակել սահմանազատման գործընթացը նույն ձևաչափով. Գրիգորյան (տեսանյութ) Մենք հաղթեցինք եզրափակիչներից մեկը, ևս երեքը դեռ կա. Արսեն Բեգլարյան Այսօր հարցազրույց տված անձը ՀՀ ԶՈւ-ին ծանոթ չէ, նման գեներալ-լեյտենանտ երբևէ չի եղել․ ՊՆ Էրդողանը հայտարարել է, որ ՀԱՄԱՍ-ի ավելի քան 1000 անդամ բուժվում է Թուրքիայում 2023թ. սեպտեմբերի 22. Հայաստանի պատմության մեջ նման դեպք չի եղել. թող սրա հերքումը տան. Սրբազան (տեսանյութ)