«Բորուսիան» պարտվեց Մյունխենում (տեսանյութեր, լուսանկարներ)

Բունդեսլիգայի 10-րդ տուրում տեղի ունեցավ կենտրոնական հանդիպումը՝ Մյունխենի «Բավարիան» հյուրընկալեց Դորտմունդի «Բորուսիային»:

Հանդիպումն ավարտվեց դաշտի տերերի հաղթանակով՝ 2:1 հաշվով: Հաշիվը 31-րդ րոպեին բացեց Մարկո Ռոյսը: Սակայն հյուրերը չկարողացան պահպանել հաղթական հաշիվը:

72-րդ րոպեին «Բորուսայի» նախկին ֆուտբոլիստը՝ Ռոբերտ Լևանդովսկին, հավասարեցրեց հաշիվը, իսկ խաղի հիմնական ժամանակի ավարտից 4 րոպե առաջ Արյեն Ռոբենը անվրեպ իրացրեց նշանակված 11 մետրանոց հարվածը՝  հաղթանակ բերելով դաշտի տերերին:

Նշենք, որ հանդիպմանը մեկնարկային րոպեներից մասնակցեց Հենրիխ Մխիթարյանը: