Ամերիկացիների կեսից պակասն է հավատում իր առողջության վերաբերյալ Քլինթոնի հայտարարություններին. The Times

Ամերիկացի ընտրողների կեսից պակասն է հավատում Հիլարի Քլինթոնի հիվանդության պատճառների բացատրությանը, որը նրա շտաբը ներկայացրեց այն բանից հետո, երբ նա ուշագնաց եղավ սեպտեմբերի 11-ի զոհերի հիշատակին նվիրված միջոցառումների ժամանակ: Այս արդյունքներն արձանագրել է YouGov հետազոտական ընկերությունը, որը հարցում է անցկացրել The Times թերթի պատվերով:

«Վստահության պակասն ընդգծում է Քլինթոնի նախագահական ընտրարշավի խոցելիությունը»,-գրված է հոդվածում:

Քլինթոնի շտաբում սեպտեմբերի 11-ի միջադեպը բացատրել են թոքաբորբով, որն ավելի վաղ սխալմամբ ալերգիայի տեղ էին ընդունում: Սակայն ոչ բոլոր ընտրողներն ու քաղաքական գործիչները հավատացին այդ բացատրությանը, գրում է The Times-ը:

1910 մասնակիցների շրջանում անցկացված YouGov-ի հարցումը ցույց է տվել, որ ընտրողների 46 տոկոսը չի հավատացել այն պնդմանը, թե Քլինթոնը տառապում է «թեթեւ տեսակի թոքաբորբից», նրանք չեն հավատում նաեւ ալերգիայի նոպաներին: Դրա հետ մեկտեղ ընտրողների 45 տոկոսը հավատացել է նման բացատրությանը, իսկ 9 տոկոսը դժվարացել է պատասխանել, հաղորդել է ՌԻԱ Նովոստին: