Օլանդը չի պատրաստվում «թուլացնել ճնշումը» Մոսկվայի վրա
Աշխարհ
Ֆրանսիայի նախագահ Ֆրանսուա Օլանդը հավաստել է Հալեպում կրակի դադարեցման անհրաժեշտությունը եւ այն, որ ինքը չի պատրաստվում «թուլացնել ճնշումը» Սիրիայի իշխանություններին աջակցող Մոսկվայի վրա: Այդ մասին հայտնել է Reuters գործակալությունը:
«Լոզանի բանակցությունները բերեցին հիմնական սկզբունքների ըմբռնմանը: Բայց անհրաժեշտությունը, առաջնահերթ խնդիրը ռմբակոծումների դադարեցումն է, զինադադարը, հումանիտար օգնությունը եւ բանակցություններ սկսելը»,- հայտարարել է Օլանդը Ebra խմբին տված հարցազրույցում, որը տարածաշրջանային մի քանի հրատարակությունների սեփականատերն է:
«Դա հենց այն է, ինչը Ֆրանսիան առաջարկեց ՄԱԿ-ի Անվտանգության խորհրդին, բայց Ռուսաստանը վետո դրեց: Վլադիմիր Պուտինը չի ցանկանում լրջորեն քննարկել Սիրիան: Ես դրան պատրաստ եմ ցանկացած պահի, բայց ես չեմ թուլացնի ճնշումը»,- հավելել է Օլանդը, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
