Շոյգուն հայտարարել Է Հալեպի շրջանում ավիհարվածների դադարեցման մասին
Աշխարհ
Ռուսաստանի պաշտպանության նախարար Սերգեյ Շոյգուն հայտարարել է, որ ռուսական եւ սիրիական օդուժը դադարեցնում են հարվածները Հալեպի շրջանում:
«Այսօր առավոտյան ժամը 10-ից դադարեցվում են Ռուսաստանի օդատիեզերական ուժերի ավիացիայի եւ Սիրիայի ռազմաօդային ուժերի հարվածները Հալեպի շրջանում»,-ասել է գերատեսչության ղեկավարը եւ հավելել, որ դա անհրաժեշտ է հոկտեմբերի 20-ին «հումանիտար դադար» հաստատելու համար:
ՌԴ պաշտպանության նախարարությունը հորդորում Է այն երկրներին, որոնք ազդեցություն ունեն Հալեպի արեւելյան մասում գործող զինված կազմավորումների վրա, համոզել նրանց ղեկավարներին՝ հեռանալ քաղաքից, ասել է Շոյգուն:
«Մինչեւ «հումանիտար դադարի» սկսվելը, սիրիական զորքերը հետ կքաշվեն այնպիսի հեռավորությամբ, որը թույլ կտա զինյալներին՝ անարգել հեռանալ Հալեպի արեւելյան շրջանից հատուկ ստեղծված երկու միջանցքներով՝ Կաստելո ճանապարհով, Սուկ Էլ Խայ շուկայի շրջանով»,-ասել է նախարարը: Խաղաղ բնակիչները կկարողանան քաղաքից հեռանալ վեց միջանցքներով, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
