Հալեպում բելգիական ինքնաթիռների հարվածի հետևանքով խաղաղ բնակիչներ են զոհվել

Հալեպ նահանգի Հասաջեկ բնակավայրին հասցված ավիահարվածի հետևանքով զոհվել է 6 խաղաղ բնակիչ, ևս 4-ը վնասվածքներ են ստացել։ Ռմբակոծության հետևանքով երկու բնակելի տուն է ավերվել։ Սիրիայում հաշտեցման հարցերով ռուսական կենտրոնի տվյալներով՝ այդ շրջանում Բելգիայի երկու F-16 կործանիչներ են նկատվել։

«Սպասում ենք Պետդեպարտամենտից խաղաղ բնակիչների սպանությունը խիստ դատապարտող հայտարարությունների»,- ասել է ՌԴ ԱԳՆ պաշտոնական ներկայացուցիչ Մարիա Զախարովան։