Մինչեւ 2035 թվականն աշխարհում նավթի պահանջարկը կնվազի 7 տոկոսով. հետազոտություն

Նավթի միագումար պահանջարկն աշխարհում մինչեւ 2023 թվականը կհասնի իր բարձրակետին՝ 2015 թվականի համեմատությամբ ավելանալով 3,3 տոկոսով՝ օրական մինչեւ 97 մլն բարել. մինչեւ 2035 թվականն աշխարհում նավթի պահանջարկը կկազմի օրական 87 մլն բարել, ինչը 7 տոկոսով ցածր է բազային սցենարի ընթացիկ ցուցանիշներից: Այս մասին ասված է VYGON Consulting խորհրդատվական ընկերության կողմից պատրաստված հետազոտության մեջ:

Նման նվազման հիմնական պատճառը կդառնա սպառման կրճատումը ինչպես ավտոտրանսպորտի, այնպես էլ էներգետիկական հատվածներում: Դրա հետ մեկտեղ Տնտեսական համագործակցության եւ զարգացման կազմակերպության (ՏՀԶԿ) երկրներում նավթի պահանջարկի կրճատումը մինչեւ 2035 թվականը կկազմի 27 տոկոս: 2015 թվականից մինչեւ 2035 թվականը զարգացող երկրներում պահանջարկը կավելանա 11 տոկոսով, չնայած դրա աստիճանական նվազմանը 2029 թվականից հետ: Արդյունքում՝ ՏՀԶԿ-ի մեջ չմտնող երկրներում նավթի պահանջարկը կանխատեսվող ժամանակաշրջանի ավարտին ընթացիկ 51 տոկոսից կհասնի 61 տոկոսի, հաղորդում է ՌԻԱ Նովոստին: