Չինաստանում ածխահանքում պայթյունի հետևանքով 15 մարդ է մահացել

Չինաստանի հարավ-արևմուտքում ածխահանքում գազի պայթյունի հետևանքով մահացել է 15 մարդ: Ածխահանքի 18 աշխատակիցներ էլ անհետ կորել են:

Պայթյունի պահին հանքում գտնվող հանքափորներից միայն երկուսն են փրկվել: Դեպքում վայրում երկու հարյուրից ավելի փրկարարներ և հրշեջներ են աշխատում:

Պայթյունի պատճառը դեռևս չի պարզվել: Մինչև հետաքննության ավարտը իշխանությունները տվյալ տարածաշրջանում դադարեցրել են բոլոր հանքերի գործունեությունը: