ԱՄՆ-ի Կոնգրեսում Քլինթոնին պետական դավաճանության մեջ են մեղադրել «փոստային սկանդալի» պատճառով
Աշխարհ
ԱՄՆ-ի նախկին պետքարտուղար եւ երկրի նախագահի թեկնածու Հիլարի Քլինթոնը պետական դավաճանություն է կատարել, երբ, լինելով Պետդեպարտամենտի ղեկավար, սկսել է ծառայական նամակագրության համար օգտագործել անձնական փոստային սերվերը: Այս հայտարարությունն արել է ԱՄՆ-ի Կոնգրեսի Ներկայացուցիչների պալատի ներքին անվտանգության կոմիտեի ղեկավար Մայքլ Մաքոլը:
«Ավելի վաղ (ՀՀԲ-ի տնօրեն) Ջեյմս Քոմին ինձ ասել է, թե շատ հավանական է, որ (ԱՄՆ-ին) թշնամի երկրները մուտք են գործել նրա անձնական սերվեր: Դա է պատճառը, որ գոյություն ունեն անվտանգության կանոնակարգեր՝ գաղտնի տեղեկատվությունը պաշտպանելու համար: Քլինթոնն այն տրամադրել է մեր թշնամիներին, եւ այժմ նրանք ունեն այդ շատ կարեւոր տեղեկատվությունը, որն սպառնում է ոչ միայն նրան (Քլինթոնին) եւ (ԱՄՆ-ի) ազգային անվտանգությանը, այլեւ այն տղամարդկանց ու կանանց (ԱՄՆ-ի քաղաքացիներին – խմբ.), ովքեր ծառայում են արտասահմանում: Անկեղծ ասած, իմ կարծիքով՝ դա դավաճանություն է»,- ասել է Մաքոլը Fox News հեռուստաալիքի եթերում, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
