Ֆրանսիայի Ավինյոն քաղաքում կբացվի Միսաք Մանուշյանի կիսանդրին

Ֆրանսիայի Ավինյոն քաղաքում նոյեմբերի 5-ին կբացվի հայ բանաստեղծ, Ֆրանսիայի ազգային հերոս, ֆրանսիական դիմադրության շարժման մարտիկ Միսաք Մանուշյանի կիսանդրին: Կիսանդրիի բացման արարողության ներկա կգտնվեն Ավինյոնի քաղաքապետ Սեսիլ Հելը, Ավինյոնի ֆրանս-հայկական ասոցիացիայ ի նախագահ Վերոնիկ Բրունան, այլք:

Կիսանդրին հեղինակել է քանդակագործ Մարսելա Կրացը:

Բացման արարողությունից հետո Ավինյոնի «Պանդորա» կինոթատրոնում կցուցադրվի Ֆրանսիայի դիմադրության շարժմանը և Միսաք Մանուշյանի խմբին նվիրված ֆրանսահայ ռեժիսոր Ռոբերտ Գեդիկյանի «Ոճրագործների բանակը» (L'Armee du Crime) ֆիլմը: Ֆիլմում Միսաք Մանուշյանի դերում նկարահանվել է ֆրանսահայ դերասան Սիմոն Աբգարյանը: Ֆիլմը ցուցադրվել է Կաննի փառատոնի ոչ մրցութային ծրագրում: