Թրամփի հաղթանակից հետո Dow Jones-ը նորացրել է ռեկորդը

Միացյալ Նահանգների Dow Jones ֆոնդային ինդեքսը նոր ռեկորդային մակարդակի է հասել ԱՄՆ-ի ֆոնդային շուկայի ընդհանուր աճի ֆոնին՝ նախագահական ընտրություններում Դոնալդ Թրամփի հաղթանակից հետո, տեղեկացնում է BBC-ն:

Նոյեմբերի 14-ի սակարկությունների արդյունքներով Dow Jones -ը բարձրացել է 21 կետով (0,1 տոկոս)՝ մինչեւ 18 868,69 կետ: Ավելի վաղ այն ցուցադրել էր խոշորագույն շաբաթական տոկոսային աճը 2011 թվականի դեկտեմբերից ի վեր:

Նաեւ շարունակում է աճել Goldman Sachs եւ JPMorgan Chase ընկերությունների բաժնետոմսերի արժեքը:

Ըստ որում Standard & Poor's 500 ինդեքսն իջել է 0,25 կետով՝ մինչեւ 2 164,2 կետ: Nasdaq ինդեքսը նույնպես իջել է 0,36 տոկոսով՝ մինչեւ 5 218,4 կետ:

Ներդրողները հուսով են, որ Դոնալդ Թրամփի՝ որպես ԱՄՆ-ի նախագահի քաղաքականությունը կխթանի տնտեսության եւ սպառողական գների աճը: