Հունաստանում նախկին նախագահի վախճանվելու կապակցությամբ եռօրյա սուգ է հայտարարվել

Հունաստանի նախկին նախագահ Կոնստանտին Ստեֆանոպուլոսին կթաղեն պետության ղեկավարին վայել պատվով. ներքին գործերի նախարարի որոշմամբ, երկրում եռօրյա սուգ է հայտարարվել: Այդ մասին ՌԻԱ Նովոստիին հայտնել են նախարարության մամուլի ծառայությունում:

Ստեֆանոպուլոսը նախագահի պաշտոնն զբաղեցրել է 1996-2005 թվականներին՝ Հունաստանում տնտեսական կայունության ժամանակաշրջանում: Նա ժողովրդի շրջանում մեծ ժողովրդականություն էր վայելում եւ համընդհանուր պարգանքը պահպանել է նաեւ պաշտոնաթողից հեռանալուց հետո: Ստեֆանոպուլոսը կյանքի 91-րդ տարում թոքաբորբի բարդություններից հետո վախճանվել է նոյեմբերի 20-ի ուշ երեկոյան Աթենքի հիվանդանոցում: Հուշարկավորությունը կանցկացվի նոյեմբերի 22-ին:

«Ներքին գործերի նախարար Պանոս Սկուռլետիսի նոյեմբերի 21-ի որոշմամբ, Հունաստանի Հանրապետության նախկին նախագահ Կոնստանտին Ստեֆանոպուլոսի հուղարկավորությունը կանցկացվի պետության հաշվին, որի ժամանակ նրան կմեծարեն պետության ղեկավարին վայել»,-հայտնել է մամուլի ծառայության ներկայացուցիչը:

Նախարարի որոշման համաձայն, եռօրյա սուգ է հայտարարվել նախկին նախագահի մահվան կապակցությամբ: Հանրային շենքերի վրա կխոնարհվեն դրոշները, հաղորդել է ՌԻԱ Նովոստի գործակալությունը:

Լուսանկարը' AFP