Աստանան կարող են վերանվանել Նազարբաևի պատվին

Ղազախստանի խորհրդարանի պատգամավորներն առաջարկում են վերանվանել հանրապետության մայրաքաղաք Աստանան, որպեսզի դրա անվան մեջ հնչի նախագահ Նուրսուլթան Նազարբաևի անունը: Իրենց նախաձեռնության մասին նրանք հայտնել են հանրապետության օրենսդիր մարմնի երկու պալատների համատեղ նիստում:

«Առաջարկում ենք երկրի Սահմանադրության մեջ նշել մեր պետության կառուցման գործում առաջին նախագահի՝ ազգի առաջնորդ Նուրսուլթան Աբիշի Նազարբաևի բացառիկ ներդրումը: Արտացոլել Ել բասի (ազգի առաջնորդ) անունը երկրի մայրաքաղաքի եւ այլ կարեւոր օբյեկտների անվանման մեջ»,- ասված է դեկտեմբերի 16-ին նշվելիք՝ Ղազախստանի անկախության 25-ամյակի հռչակագրի նախագծում, որն ընթերցել է ազգային խորհրդարանի Մաժիլիսի (ստորին պալատի) պատգամավոր Քուանիշ Սուլթանովը:

Պատգամավորները նաեւ առաջարկում են հանրապետության ինքնիշխանության 25-ամյակի պատվին Աստանայում կանգնեցնել դրան նվիրված հուշարձան, հաղորդել է ՏԱՍՍ-ը: