Մահացել է Ֆիդել Կաստրոն

90 տարեկան հասակում մահացել է Կուբայի հեղափոխության առաջնորդ Ֆիդել Կաստրոն։ Այս մասին հաղորդել են Կուբայի հեռուստատեսությունները։ Կուբայի ներկայիս առաջնորդ, Կաստրոյի եղբայր՝ Ռաուլ Կաստրոյին ևս հանդես է եկել այդ մասին հայտարարությամբ։ 

Ռաուլ Կաստրոյի հաղորդմամբ՝ Ֆիդելը «մահացել է ուրբաթ երեկոյան»։ Կուբայի հեղափոխության առաջնորդի ցանկության համաձայն՝ նրա մարմինը կդիակիզվի։ Ռաուլ Կաստրոն հայտնել է նաև, որ առաջիկայում հայտնի կլինեն նաև վերջին հրաժեշտի կազմակերպման մանրամասները։

Ներկայացնում ենք մի քանի մեջբերում՝ Կաստրոյի մտքերից

Իմ անունն է Ֆիդել Կաստրո և ես եկել եմ ազատագրելու Կուբան:

Այն, ինչ ես ասում եմ, շատերին խորթ է, սակայն ես ասում եմ այն, ինչ մտածում եմ և անում եմ դա հարգելով ուրիշներին:

Ես աղքատ չեմ ծնվել, իմ հայրը հազարավոր հեկտարներով հող է ունեցել, սակայն հիմա պատիվ ունեմ նշելու, որ դոլար անգամ չունեմ:

Ես սկսել եմ հեղափոխությունն ունենալով ընդամենը 82 հետևորդ: Եթե ես ստիպված լինեի կրկնել այն, ապա հիմա ինձ կբավականցներ 10-20 հետևորդը: 10 մարդ և բացարձակ հավատ, կարևորը հավատն է, այլ ոչ թե հետևորդների քանակը, ինչպես նաև' պետք է հստակ ծրագիր ունենալ:

Հաղթանակը համառությունն է: