Կոլումբիայում կործանված ինքնաթիռից վեց մարդ է փրկվել

Կոլումբիայում ինքնաթիռի կործանման հետեւանքով 81 մարդուց վեց հոգի է փրկվել, տեղեկացնում է «Ֆրանսպրես» գործակալությունը:

Ավելի վաղ հաղորդվել էր, թե ինքնաթիռը, որում եղել են «Շապեկոենսե» բրազիլական ակումբի ֆուտբոլիստներ, աղետի է ենթարկվել Կոլումբիայում: Ինչպես նշվում է, վթարը տեղի է ունեցել Անտիոքիայի նահանգի Լա Ունիոն շրջանում:

Univision հեռուստաալիքի տվյալներով՝ օդանավում եղել են 72 ուղեւորներ եւ անձնակազմի ինը անդամներ: Ֆուտբոլիստները մեկնել էին Մեդելյին կոլումբիական քաղաք՝ մասնակցելու Հարավամերիկյան գավաթի առաջին եզրափակիչ մրցախաղին, հաղորդել է ՌԻԱ Նովոստին:

Լուսանկարը' AP