Կիեւը հայտարարել է Ղրիմի շրջանում հրթիռային զինավարժանքների մեկնարկի մասին

Ուկրաինայի հարավում մեկնարկել եւ լրիվ ընթացքով տեղի են ունենում զինավարժանքներ, որոնք ենթադրում են հրթիռային հրաձգություններ: Դեկտեմբերի 1-ին այս մասին հայտարարել է Ուկրաինայի օդային ուժերի «Յուգ» օդային հրամանատարության մամուլի կենտրոնի պետ Վլադիմիր Կրիժանովսկին:

Ավելի վաղ Կիեւում հայտարարել էին, որ Ղրիմի շրջանում կանցացվեն միջին հեռահարության զենիթային հրթիռների փորձարկումներ:

Ուկրաինայի զինված ուժերի ներկայացուցիչը նաեւ ընդգծել է, որ հրաձգությունները տեղի են ունենում Ղրիմի ափից առնվազն 30 կիլոմետր հեռավորության վրա:

Ռուսաստանը բողոք է հայտնել, իսկ Կիեւում հայտարարել են, որ հրաձգությունները կանցկացվեն «բացառապես Ուկրաինայի օդային տարածությունում» եւ կիրականացվեն միջազգային իրավունքի նորմաներին խստիվ համապատասխանությամբ:

Լուսանկարը' РИА Новости