ԻՊ-ը փոխում է մարտավարությունը և սպառնալիք է մնում Եվրոպայի համար. Եվրոպոլ
Աշխարհ
«Իսլամական պետություն» (ԻՊ) ահաբեկչական կազմակերպությունը Մերձավոր Արեւելքում կորցնում է դիրքերը, սակայն Եվրոպայում խմբավորումը փոխում է մարտավարությունը եւ լուրջ սպառնալիք է մնում բնակչության համար: Այս մասին է վկայում Եվրոպայի ոստիկանական գործակալո ւթյան (Եվրոպոլի) հրապարակած զեկույցը:
«ԻՊ-ի տեսակետով՝ Բելգիայում եւ Ֆրանսիայում 2015 եւ 2016 թվականներին իրականացված ահաբեկչական գործողությունները հաջող էին եւ արդյունավետ,- նշված է փաստաթղթում:- Հաշվի առնելով այս փաստը եւ նկատի ունենալով, որ ահաբեկչական խմբավորումը նախկինի պես հնարավորություններ ունի հարվածներ հասցնելու համար, Եվրոպայում պահպանվում է մոտ ապագայում նոր գրոհների հավանականությունն ինչպես անհատների, այնպես էլ խմբերի կողմից»:
Ըստ որում ահաբեկչական գործողությունների վտանգ գոյություն ունի «ոչ միայն Բելգիայում եւ Ֆրանսիայում, այլեւ բոլոր մյուս երկրներում, որոնք մասնակցում են ԻՊ-ի դեմ պայքարին ԱՄՆ-ի կազմած կոալիցիայի շրջանակներում», իսկ բուն գրոհները կարող են կազմակերպված լինել այնպես, «որ վարկաբեկեն սիրիացի փախստականներին եւ Եվրոպայի երկրներին հարկադրեն փոխելու իրենց քաղաքականությունը նրանց նկատմամբ», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
