ՌԴ-ն եւ Չինաստանը ՄԱԿ-ի ԱԽ-ում արգելափակեցին Հալեպի վերաբերյալ բանաձեւի ընդունումը
Աշխարհ
Ռուսաստանը եւ Չինաստանը ՄԱԿ-ի Անվտանգության խորհրդում վետո են դրել այն բանաձեւի նախագծի վրա, որը զինադադար էր նախատեսում Սիրիայի Հալեպ քաղաքում, տեղեկացնում է RT հեռուստաալիքը:
Փաստաթղթին դեմ է արտահայտվել Վենեսուելան, «կողմ» են քվեարկել ԱԽ-ի 11 անդամներ, այդ թվում՝ ԱՄՆ-ն, Մեծ Բրիտանիան եւ Ֆրանսիան: Անգոլան ձեռնպահ է մնացել:
Բանաձեւի նախագիծը նախատեսում էր, որ մարտական գործողությունների մասնակիցները պետք է «անհապաղ ու լիովին դադարեցնեն բոլոր հարձակումները, որոնք կարող են հանգեցնել մարդկանց զոհվելուն կամ վիրավորվելուն կամ էլ վնաս հասցնել քաղաքացիական օբյեկտներին», իսկ ՄԱԿ-ի ԱԽ-ի ցուցակներ մտցված ահաբեկչական խմբավորումների ջոկատները պարտավոր են հեռանալ Հալեպի արեւելյան մասից: Նաեւ փաստաթղթում առաջարկվում էր կանոնավոր դադարներ հաստատել ռազմական գործողություններում:
Բանաձեւի նախագիծն առաջարկվել էր Նոր Զելանդիայի, Իսպանիայի եւ Եգիպտոսի կողմից:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
