Հարավային Կորեայի Սահմանադրական դատարանն առաջին նիստն է անցկացրել նախագահի պաշտոնազրկման շուրջ

Հարավային Կորեայի Սահմանադրական դատարանը դեկտեմբերի 12-ին առաջին նիստն է անցկացրել երկրի նախագահ Պակ Կըն Հեի իմպիչմենտից հետո, որը դետեմբերի 9-ին հայտարարել է խորհրդարանը, տեղեկացնում է Ռյոնհապ գործակալությունը:

Գործակալության տվյալներով՝ դատարանը պետք է որոշի հեռացված նախագահի շուրջը կոռուպցիոն սկանդալի վերաբերյալ լսումներ սկսելու օրը, նշանակի աշխատանքային խումբ եւ գործը քննելու կարգը, որպեսզի ոչ ուշ, քան կես տարի անց վերջնականապես որոշվի պետության ղեկավարի ճակատագիրը:

Իմպիչմենտի հետեւանքով Պակ Կըն Հեն հեռացված է իշխանությունից, եւ նրա լիազորությունները ժամանակավորապես հանձնվել են վարչապետ Հվան Գյո Անին:

Կոռուպցիոն սկանդալը բորբոքվել է հոկտեմբերին, երբ զանգվածային լրատվամիջոցներում տեղեկատվություն հայտնվեց Պակ Կըն Հեի նախագահական դիվանատնից նրա վաղեմի ծանութուհի Ցոյ Սուն Սիլին փաստաթղթերի արտահոսքի մասին: Հետաքննությունը բերեց կոռուպցիոն սխեմայի բացահայտման, որն ստեղծել էր նախագահի այդ 60-ամյա մտերմուհին: Ներկայում Ցոյ Սուն Սիլը կալանքի տակ է, հաղորդել է ՌԻԱ Նովոստին:

Լուսանկարը' EPA/UPG