Թեժ մարտեր Ուկրաինայում. պատերազմը նոր թափ է ստանում

Ինչպես գրում է  Ukrainskaya pravda-ն, հունվարի 8-ին թեժ մարտեր են ծավալվել Ուկրաինայում: Ռուս զինվորներն, օգտագործելով Մինսկում ձեռք բերված համաձայնագրով արգելված զինատեսակներ, կրակ են բացել Մարիոպոլի, Դոնեցկի, Լուգանսկի և մի շարք այլ ուկրաինական բնակավայրերի ուղղղությամբ: Ինչպես տեղեկացնում է Ուկրաինայի պաշտպանության նախարարությունը, ռուս գրոհայինները հրետանիով, տարբեր տրամաչափի գնդացիրներով,  ականենտերով կրակի տակ են պահել ուկրաինական բնակավայերը՝ պատճառելով ավերածություններ: Կա  մեկ զոհ, 5 զինվորական վիրավորվել է:  UNIAN լրատվականի հաղորդմամբ՝ ռուս-ուկրաինական սահմանագոտում անհայտ կորել են երկու ուկրաինացի զինվորներ: Ըստ տեղեկատվության՝ անհայտ կորած ուկրաինացի զինվորների հետ մինչ այս պահը հնարավոր չի եղել կապ հաստատել, իսկ Ուկրաինայի պաշտպանության նախարարությունը զինվորների ճակատագրի վերաբերյալ դեռ որևէ պարզաբանում չի ներկայացրել: