Ըստ որոշ արաբ գիտնականների՝ կանայք նման են ընտանի կենդանիներին

Որոշ արաբ գիտնականներ բացահայտում են արել, որը ցնցել է քաղաքակիրթ հասարակությանը: Սաուդցի այդ գիտնականները եկել են այն եզրակացության, որ Սաուդյան Արաբիայում կանայք նման են կաթնասունների՝ մասնավորապես, ուղտերին և այծերին: Ըստ գիտնականների բացահայտման՝ սաուդցի կանանց պետք է տրվի այն արտոնություններն ու իրավունքները, ինչն այդ երկրում սահմանված է կենդանիների համար: 

Գենդերային անհավասարության այս ցնցող բացահայտումը հարուցել է իրավապաշտպանների զայրույթը: Sputnik-ի հետ զրույցում իրավապաշտպաններից մեկը հայտնել է, որ քաղաքակիրթ հասարակությանը պետք է մի փոքր երկար սպասել, որպեսզի ականտես լինի արաբ գիտնականների հաջորդ բացահայտմանը, որտեղ նրանք կանանց մարդ կհամարեն: 

Ֆրանսիական Journal de Montreal ամսագիրը հոդված է հրապարակել, որտեղ հոդվածագիրն իր բողոքն է արտահայտում արաբ գիտնականների այս նոր հայտնագործության հետ կապված. «Եթե նախկինում այդ երկրում կանայք համարվում էին կենցաղային իրեր, հիմա, փաստորեն, նրանց տրվում է որոշակի արտոնություններ, որոնք, սակայն, սահմանված են կենդանիների համար»: 

Նշենք, որ արաբ մուֆթի շեյխ Աբդուլազիզ Ալին հայտարարել էր, որ, եթե  տղամարդը մատնվել է սովի, նրան իրավունք է տրվում ուտելու իր կնոջ մարմնի մասերը, իսկ այս ձմռանը Սաուդիան Արաբիայում անցան թագավորական ընտրություններ, որոնց առաջին անգամ մասնակցելու իրավունք ստացան սաուդցի կանայք: