Կարլ Լագերֆելդը թագապսակ է ստեղծել Վիեննայի պարահանդեսին առաջին անգամ մասնակցողների համար

Գերմանացի մոդելագործ եւ Chanel տան կրեատիվ տնօրեն Կարլ Լագերֆելդը թագապսակի դիզայն է մշակել Swarovski մակնիշի համար: Այդ մասին պատմել է մակնիշի մամուլի ծառայության ներկայացուցիչը:

«Աննման երկնագույն Դանուբ» անվանումը կրող զարդը նախատեսված է Վիեննայի օպերային պարահանդեսին առաջին անգամ մասնակցող կանանց համար: Թագապսակն ստեղծելիս օգտագործվել է 394 վանակն, այդ թվում՝ շափյուղայի երանգներով, եւ մի քանի մարգարիտներ:

Վիեննայի պարահանդեսն ամեն տարի անցկացվում է Վիեննայի պետական օպերայի կողմից եւ հանդիսանում է պարահանդեսային տարեշրջանի մշակութային «չամչահատիկը»: Այս տարի հանդիսությունը կկայանա փետրվարի 23-ին:

Կարլ Օտտո Լագերֆելդը գերմանացի մոդելագործ է եւ լուսանկարիչ: Աշխատել է Fendi, Chloe, Krizia նորաձեւության տների հետ: 1974 թվականին հիմնել է սեփական շարքը՝ Karl Lagerfeld Impression-ը: 2010 թվականին նա Պատվո լեգեոնի շքանշանի ասպետ է դարձել մշակույթի եւ արվեստի բնագավառում ունեցած ավանդի համար: Բացի Chanel-ում աշխատելուց, նա նաեւ համագործակցում է Fendi-ի հետ եւ զբաղվում սեփական բրենդի զարգացմամբ:

Swarovski ավտրիական ընկերությունը հիմնադրվել է 1895 թվականին: Այն մասնագիտանում է բյուրեղապակուց զարդերի թողարկման եւ սինեթիկ ու բնական թանկարժեք քարերի երեսակման բնագավառում: